Samstarf Álfaborgar og Valsárskóla
Mikið og gott samstarf er á milli leikskólans Álfaborgar og Valsárskóla. Gagnkvæmar heimsóknir milli leik-og grunnskóla eru heppileg leið til að tengja skólastigin saman í huga barnsins og auðvelda því að finna sig öruggt í nýjum aðstæðum.Hjá okkur fara t.d. Krummar þ.e. elstu börnin einu sinni í viku í skólann, eftir áramót, og sitja tíma með 1. bekk. Krummarnir fara líka í leikfimi einu sinni í viku með 1. bekk þar sem þau hafa með sér leikfimiföt. Einnig er þeim boðið að vera með í danskennslu sem haldin er í Valsárskóla fyrir nemendur svo eitthvað sé nefnt.
