Almennt

Íbúum ráđlagt ađ sjóđa neysluvatn

Almennt
Íbúum í Svalbarðsstrandarhreppi er ráðlagt að sjóða allt neysluvatn (vatn til beinnar neyslu) næstu daga vegna mengunar í vatnsbóli sem talin er vera af völdum ofanvatns. Norðurorka hefur þegar lokað fyrir umrætt vatnsból og vinnur að frekari úrbótum. Búist er við að ástandið lagist innan fárra daga. Fylgst verður með vatnsgæðum með áframhaldandi sýnatökum og gefin verður út ný tilkynning til íbúa þegar vatnið hefur náð áskildum gæðum.

Reglulega eru gerðar mælingar á öllum vatnsbólum Norðurorku en þar sem fram kom set í vatninu (grugg) var farið í frekari gæðamælingar á vatninu frá Garðsvíkurbólum.

Á Akureyri var meðalhitinn 2,3 stig í febrúar sem er 3,8 stigum ofan við meðallag. Miklar hlákur voru þessu samfara og líkur á að yfirborðsvatn hafi komist hratt niður í grunnvatn og síðan valdið mengun á einu af vatnsbólum veitunnar við Garðsvík.

 


Svalbarđsstrandarhreppur  |  Ráđhúsinu  |  601 Akureyri  |  S. 464-5500  |  postur@svalbardsstrond.is