Grunnskólakennari óskast til starfa í Valsárskóla
Valsárskóli óskar eftir að ráða grunnskóla-/umsjónarkennara í 100% stöðu. Ráðið verður í starfið frá og með 1. ágúst nk.
Helstu verkefni
- Annast kennslu og umsjón í námshópi
- Vinnur að þróun skólastarfs í samstarfi við stjórnendur og samstarfsfólk
- Stuðlar að velferð og árangri nemenda í samstarfi við foreldra og fagaðila
- Vinnur samkvæmt stefnu skólans
- Önnur verkefni skv. starfslýsingu ásamt verkefnum sem skólastjóri felur starfsmanni
Menntunar- og hæfniskröfur
- Áhugi á að starfa með börnum og ungmennum
- Lipurð í samskiptum, sveigjanleiki, samstarfshæfni og jákvæðni til að starfa í metnaðarfullu umhverfi
- Frumkvæði og sjálfstæði í vinnubrögðum
- Leyfisbréf til kennslu (leyfisbréf fylgi umsókn)
- Haldgóð þekking á kennslufræði og leikni í fjölbreyttum kennsluháttum
- Reynsla sem nýtist í starfi
- Stundvísi og samviskusemi
- Góð íslenskukunnátta
Valsárskóli er fámennur skóli á Svalbarðseyri, í 12 km fjarlægð frá Akureyri. Einkunnarorð skólanna eru umhyggja, virðing, metnaður og gleði. Nánari upplýsingar um Valsárskóla er hægt að sjá á skolar.svalbardsstrond.is og við hvetjum umsækjendur til að kynna sér starf skólans nánar þar. Vakin er athygli á jafnréttisstefnu Svalbarðsstrandarhrepps um jafnan hlut kynja í störfum. Áhugasamir einstaklingar, án tillits til kyns, eru hvattir til að sækja um.
Umsóknarfrestur er til og með 12. apríl 2024. Umsókn þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda. Umsókn skal skila á netfangið maria@svalbardsstrond.is. Nánari upplýsingar veitir María Aðalsteinsdóttir skólastjóri: 464-5510, 864-0031 og í tölvupósti.
Svalbarðsstrandarhreppur áskilur sér rétt til að hafna öllum umsækjendum. Umsóknir geta gilt í sex mánuði frá lokum umsóknarfrests.
