Skipulagsnefnd

1.

Leifshús sælureitur - S2306004

Erindi vegna deiliskipulags smáhýsabyggðar í landi Leifshúsa en málið var síðast á fundi sveitarstjórnar 25.02.2025 þar sem sveitarstjórn samþykkti ósk landeiganda um að fallið yrði frá aðalskipulagsbreytingu vegna frístundabyggðar sem upphaflega var unnin samhliða. Nú liggur fyrir uppfærð deiliskipulagstillaga frá skipulagshönnuði.

Skipulagsnefnd leggur til við sveitarstjórn að skipulagshönnuði verði falið að uppfæra deiliskipulagstillöguna í samræmi við umræður á fundinum og að henni verði síðan vísað í auglýsingu skv. 1. mgr. 41. gr. skipulagslaga nr. 123/2010.

2.

Geldingsá lóð (L172656) - umsókn um breytingu á staðfangi - S2609020

Erindi frá eiganda Geldingsár lóðar, L172656, þar sem sótt er um að staðfangi landeignarinnar verði breytt í Heiðarborg.

Skipulagsnefnd leggur til við sveitarstjórn að erindið verði samþykkt og að staðfangi Geldingsár lóðar (L172656) verði breytt í Heiðarborg.

3.

Geldingsárhlíð 3 L230244 - fyrirspurn um skiptingu fasteignar í tvær - S2610003

Erindi frá Hermanni Herbertssyni f.h. eigenda Geldingsárhlíðar 3 með fyrirspurn um að skipta fasteignum á lóðinni í tvær. Á lóðinni standa 2 einbýlishús (tveir matshlutar) á einu fasteignanúmeri en eigendur vilja gera eignaskiptayfirlýsingu svo að þessari fasteign sé skipt upp í tvær þannig að einbýlishúsin yrðu tengd sitthvorri fasteigninni. Ekki yrðu gerðar breytingar á skilmálum deiliskipulagsins eða afmörkun lóðar.

Skipulagsnefnd leggur til við sveitarstjórn að fallist verði á skiptingu fasteigna á lóðinni í tvær þannig að einbýlishúsin á lóðinni hafi sitthvort fasteignanúmerið, enda er ekki um að ræða breytingu á landnotkun, skipulagi eða afmörkun lóðarinnar.

4.

Úthlutun lóða í Valsárhverfi - S2007003

Erindi frá skrifstofustjóra. Farið yfir lausar lóðir og stöðu úthlutaðra lóða í Valsárhverfi.

Skipulagsnefnd skorar á sveitarstjórn Svalbarðsstrandarhrepps, með vísan til 1. gr. og 4. gr. reglna um lóðaveitingar á Svalbarðseyri, að taka formlega afstöðu til þeirra lóða þar sem frestir eru liðnir og engar framkvæmdir hafnar af hálfu lóðarhafa.