Skólanefnd

1.

Skipurit skólanna - 2503004

Breytt skipurit Álfaborgar lagt fram til samþykktar.

Skólanefnd leggur til að fjölga deildarstjórum úr 1,5 stöðugildum í 2,5 og að breyta í 3 deildir í stað tveggja. Þörf er á að skipta upp fjölmennri deild auk þess sem húsnæði býður ekki upp á núverandi skipulag. Við leggjum því til að Kvisti og Rjóðri verði skipt í tvær deildir með sinn hvorn deildarstjórann. Skólanefnd vísar málinu til sveitarstjórnar til samþykktar.

Samþykkt

2.

Skóladagatal allra deild Valsárskóla og Álfaborgar - 2004013

Skóladagatöl beggja skóla lögð fram til staðfestingar.

Skóladagatal Valsárskóla og Álfaborgar samþykkt. Lokun Álfaborgar verður 4 vikur sumarið 2025.

Samþykkt

3.

Innra mat - Valsárskóli - 2104002

Skólastjóri Valsárskóla kynnir helstu niðurstöður úr Skólapúlsi nemenda og foreldra vegna skólaársins 2024/25.

Farið var yfir skólapúls nemenda haust 2024 og foreldra febrúar 2025. Það er ánægjulegt að sjá að skólinn heldur sér á góðum stað samkvæmt mati foreldra og barna. Skólanefnd vill hrósa stjórnendum og starfsfólki skólans.

Staðfest

4.

Starfsmannamál - Almennt - 2206003

Staða mönnunar í skólum Svalbarðstrandarhrepps og sumarafleysingar.

Skólastjóri Álfaborgar fór yfir mönnunarmál í leikskóla, almennt er staðan góð. Enn er eitthvað um bæði skammtíma- og langtímaveikindi. Skólanefnd bendir á að huga að sumarafleysingum til að mæta orlofsdögum starfsmanna og ítrekar að starfsmenn reyni að nýta orlofsdaga yfir sumarmánuði.
Skólastjóri Valsárskóla fór yfir stöðu starfsmannamála í skólanum, staðan er mjög góð en nokkrar áskoranir framundan.

5.

Íslenska æskulýðsrannsóknin - 2411008

Farið yfir niðurstöður íbúafundar um íslensku æskulýðsrannsóknina.

Farið var yfir samantekt frá íbúafundi vegna íslensku æskulýðsrannsóknarinnar. Foreldrar eru farnir að leggja drög að foreldrasáttmála.

Staðfest