Sveitarstjórn

1.

Landsnet - Mótun kerfisáætlunar 2025-2034 - Umhverfismatsskýrsla - 2504002

Erindi frá Skipulagsstofnun þar sem óskað er eftir umsögn þinni við eftirfarandi mál í Skipulagsgátt:

Kerfisáætlun 2025-2034, nr. 0509/2025: Kynning umhverfismatsskýrslu (Umhverfismat áætlana)

Kerfisáætlun lögð fram til kynningar. Sveitarstjórn gerir ekki athugasemdir við kerfisáætlun 2025-2034.

2.

Endurskoðun á aðalskipulagi Svalbarðsstrandarhrepps 2022 - 2210006

Fyrir fundinum liggur tillaga nýs aðalskipulags sveitarfélagsins, Aðalskipulag Svalbarðsstrandarhrepps 2025-2037, unnin af Atla Steini Sveinbjörnssyni hjá Landslagi dags. 30. apríl 2025.

Sveitarstjórn felur skipulagsfulltrúa að auglýsa vinnslutillögu að endurskoðuðu aðalskipulagi Svalbarðsstrandahrepps fyrir íbúum og hagsmunaaðilum í samræmi við 2. mgr. 30. gr. skipulagslaga nr. 123/2010.

3.

Bakkatún 23 L239136 og Lækjartún 10 L239175 - Umsókn um breytingu á íbúðarfjölda - 2504011

Erindi liggur fyrir frá lóðarhafa, sem óskar eftir breytingu á íbúðarfjölda í Bakkatúni 23 og Lækjartúni 10. Sótt er um að vera með tvær íbúðir í hvoru húsi fyrir sig, hvor íbúð með sitt fastanúmer.

Sveitarstjórn frestar málinu.

4.

Veigahvammur 1 L217588 - Umsókn um breytingu á deiliskipulagi - 2503011

Erindi frá lóðarhafa að Veigahvammi 1, sem frestað var á 150. fundi sveitarstjórnar, þann 8. apríl. Um er að ræða ósk um breytingu á deiliskipulagi, þar sem byggingarreit er breytt frá núgildandi skipulagi. Borist hefur breytingarblað frá Landslagi dags. 14. apríl 2025.

Sveitarstjórn samþykkir að gerð verði óveruleg breyting á deiliskipulagi og vísar erindinu í grenndarkynningu skv. 2. mgr. 43.gr. skipulagslaga nr 123/2010. Heimilt verði að stytta grenndarkynningartímabilið ef allir hagsmunaaðilar lýsa því yfir skriflega að ekki sé gerð athugasemd við áformin. Erindið telst samþykkt ef ekki berast andmæli á grenndarkynningartímabilinu. Skipulagsfulltrúa er falið að fullnusta deiliskipulagsbreytinguna.

5.

Umsagnarbeiðni um rekstrarleyfi gistingar II vegna Geldingsárlóð nr 20 - 2505005

Erindi frá Sýslumanninum á Norðurlandi eystra, umsagnarbeiðni vegna umsóknar um rekstrarleyfi gistingar í flokki II frá Steinu Sig ehf vegna Geldingsár, lóð nr 20

Sveitarstjórn gerir ekki athugasemdir við umsókn Steinu Sig ehf um gistileyfi en vekur athygli á að fasteignaskattur á eignina verði færður úr flokki A í C flokk vegna úthlutunar leyfis.

6.

Ársreikningur 2024 - 2503023

Ársreikningur Svalbarðsstrandarhrepps 2024 - seinni umræða.

Ársreikningur Svalbarðsstrandarhrepps 2024 - seinni umræða.


Ársreikningur Svalbarðsstrandarhrepps fyrir árið 2024 tekinn til síðari umræðu og samþykktur samhljóða. Fyrri umræða fór fram 8. apríl.

Rekstur sveitarfélagsins gekk vel á árinu 2024. Staða sveitarfélagsins er sterk og reksturinn er í góðu jafnvægi.
Helstu niðurstöður ársreiknings 2024:
Rekstrartekjur A- og B-hluta voru 792,4 millj. sem er um 2,5% umfram áætlun ársins.
Laun og launatengd gjöld voru 404 millj. sem er 0,5% umfram áætlun ársins.
Launakostnaður sem hlutfall af rekstrartekjum A-hluta er 51,6 % og lækkaði hlutfallið um 2,1% milli ára.
Annar rekstrarkostnaður var 223 millj. sem er um 3,9% undir áætlun ársins.
Rekstrarniðurstaða var jákvæð um 133,0 millj. en áætlun gerði ráð fyrir 97,4 millj.

Lang stærsti útgjaldaliður sveitarfélagsins er vegna fræðslumála og var á árinu 2024 429,7 millj. eða 59,0 % af skatttekjum ársins, áætlun ársins gerði ráð fyrir 434,4 millj.

Langtímaskuldir A og B-hluta eru 15,0 millj. og eru það eingöngu lán vegna leiguíbúða. Skuldaviðmið sveitarfélagsins samkv. reglugerð er 0%, leyfilegt hámark er 150%.
Veltufé frá rekstri var 177,8 millj. eða 22,4%. Nettó fjárfestingar ársins voru 282,4 millj.
Handbært fé í árslok var 87,8 millj. Eigið fé sveitarfélagsins í árslok 1.191 millj.

7.

Fyrirspurn til sveitarstjórnar Svalbarðsstrandarhrepps - 2504006

Erindi frá Félagi frístundahúsaeigenda í Heiðarbyggð.

Sveitarstjórn getur ekki orðið við erindinu og bendir félaginu á að hafa samband við landeiganda. Sveitarfélagið þjónustar ekki heimreiðar og einkavegi meðal annars með hliðsjónum um jafnræði. Sveitarstjóra falið að svara erindinu.

8.

Samningur um ráðgjöf vegna leikskóla. - 2504008

Erindi frá Akureyrarbæ, samningur við Akureyrarbæ um ráðgjöf vegna leikskóla.

Sveitarstjórn samþykkir samninginn.

9.

Áfangastaðastofa Norðurlands - 2505001

Erindi frá SSNE, drög að endurnýjuðum samningi milli SSNE og sveitarfélagsins um framlög til reksturs Áfangastaðastofu Norðurlands.

Sveitarstjórn samþykkir þjónustusamninginn og felur sveitarstjóra að undirrita samninginn.

10.

Erindi vegna skaðabótaábyrgðar sveitarstjórnar - 2505002

Erindi frá Stefáni Tryggvasyni. Með erindinu er vakin athygli á að sveitarstjórn er með öllu óheimilt að heimila beit í heimalöndum jarða sem land eiga að Vaðlaheiði.

Sveitarstjórn telur að efnislega varði erindið afréttarmálefni sem hafi verið til umfjöllunar áður. Farið er yfir að í dómi Hæstaréttar í máli nr. 48/2023 frá 15. maí 2024 var gerð grein fyrir skilsmun á afréttarlandi og heimalandi, þar sem afréttur geti verið hvort tveggja innan eða utan eignarlanda og skipting í heimaland, sem undirorpið er sérstakri og meiriháttar nýtingu og afréttarland í takmarkaðri notum, t.d. sumarbeit, sbr. umfjöllun í málgreinum 51, 53 og 54 í dómi Hæstaréttar. Með hliðsjón af 31. gr. laga um afréttarmálefni og fjallskil nr. 6/1986 mun sveitarstjórn þurfa að meta hvort ágangur búfjár sé verulegur eða eins og segir í lagaákvæðinu: „Skal hún þá, ef um verulegan eða óeðlilegan ágang virðist að ræða, skipa fyrir um smölun ágangspenings og rekstur til afréttar eða skilaréttar“.
Almennt er það svo hér um slóðir að afréttir, þ.e. landsvæði sem nýtt hafa verið til sumarbeitar búfjár, eru skildir frá heimalöndum með fjallsgirðingum/afréttargirðingum sem upp hafa verið settar. Með því eru gerðar ráðstafanir til að friða heimahaga eða heimalönd. Almennt verður jafnframt að telja, að sé girðingum ekki viðhaldið, þær séu ekki fjárheldar, eða séu þær fjarlægðar, hljóti það að hafa áhrif á mat á því hvort skilyrði lagaákvæða um verulegan eða óeðlilegan ágang sé að ræða - og í því samhengi hvaða árangurs sé að vænta af því að reka ágangspening til afréttar að nýju ef ekki nýtur fjárheldra girðinga.
Fallsgirðing var í landi Þórisstaða og Leifshúsa sem landeigandi kaus að rífa án þess að sýnilegt tilefni hafi verið til þess, en með því einu verður land sem lagt hefur verið undir sameiginleg sumarbeitarsvæði og eru þar með afréttur, ekki breytt í heimaland, enda þarf samþykki sveitarstjórnar til, sbr. til hliðsjónar umfjöllun Hæstaréttar í 54. málsgrein í máli nr. 48/2023.
Sveitarstjórn telur að efnistök erindis um skaðabótaábyrgð virðist byggð á misskilningi um þetta. Þá getur komið til skoðunar ábyrgð vegna ágangs búfjár úr einu heimalandi í annað. Landeigandi þess lands sem ágangur stafar frá, ber að líkindum almennt sjálfur ábyrgð í þeim efnum, ef hann ekki hefur búið svo um hnúta að afréttarfé komist ekki óhindrað úr afrétti inn á heimaland hans og af því inn í ógirt heimaland annarra. Um girðingar milli heimalanda gilda m.a. ákvæði girðingarlaga, en landeigandi getur þar krafist samgirðingar af aðliggjand jörð.
Sveitarstjórn hafnar alfarið að til staðar séu skilyrði bótaábyrgðar sveitarfélagsins eða sveitarstjórnarmanna vegna beitar búfjár í Vaðlaheiði. Erindi bréfritara veður ekki skilið sem beiðni um ákvörðun sveitarstjórnar, en bréfritari kemur skoðunum sínum á framfæri við sveitarstjórn.

11.

Viðhald vegna gatnagerðar í Valsárhverfi - 2505003

Erindi frá sveitarstjóra, fara þarf í lagfæringar á röri ofan túns í Valsárhverfi og leiða vatn í farveg.

Sveitarstjórn samþykkir framkvæmdina og felur sveitarstjóra að vinna verkið áfram.

12.

Göngustígur frá bílastæði starfsmanna grunn- og leikskóla - 2505004

Erindi frá sveitarstjóra, fyrir fundinum liggur að ákveða gerð göngustígs á Svalbarðseyri frá bílaplani starfmanna niður að grunn- og leikskóla.

Sveitarstjórn samþykkir að gerður verði göngustígur frá bílastæði að skólabyggingum, sveitarstjóra falið að vinna verkið áfram.

13.

Viðaukar 2025 - 2503008

Sveitarstjóri leggur fram viðauka 02 fyrir sveitarstjórn til samþykktar. Viðaukin er vegna breytingar á launaáætlun og fjölgun verkefna í félagsþjónustu. Framkvæmdaáætlun 2025 uppfærð og framkvæmdum á skólalóð og við Tjarnartún bætt inn í áætlun. Tekjur vegna útsvars endurmetnar miðað við innkomu fyrstu 3 mánuði ársins.

Sveitarstjórn samþykkir viðauka 02 við fjárhagsáætlun 2025 sem gerir ráð fyrir að rekstrarniðurstaða ársins verði jákvæð sem nemur 69.567.655 kr. og handbært fé í árslok 2025 verði 60.062.655 kr.

14.

Atvinnu- og umhverfismálanefnd - 1 - 2504001F

Sveitarstjórn staðfestir fundargerð Atvinnu- og umhverfismálanefndar.

15.

Skipurit skólanna - 2503004

Mál er frestað var á 149. fundi sveitarstjórnar þann 25. mars 2025. Breytt skipurit Álfaborgar lagt fram til samþykktar.
Skólanefnd leggur til að fjölga deildarstjórum úr 1,5 stöðugildum í 2,5 og að breyta í 3 deildir í stað tveggja. Þörf er á að skipta upp fjölmennri deild auk þess sem húsnæði býður ekki upp á núverandi skipulag. Við leggjum því til að Kvisti og Rjóðri verði skipt í tvær deildir með sinn hvorn deildarstjórann. Skólanefnd vísar málinu til sveitarstjórnar til samþykktar.

Sveitarstjórn staðfestir fundargerð skólanefndar.

16.

Fundargerðir embættis skipulags- og byggingarfulltrúa - 2203006

Fundargerðir embættis skipulags- og byggingarfulltrúa nr 91 og 92 lagðar fram til kynningar.

Fundargerð lögð fram til kynningar.

17.

Fundargerðir Molta ehf - 2411004

Fundargerð stjórnar Moltu nr. 115 lögð fram til kynningar.

Fundargerð lögð fram til kynningar.

18.

Fundargerðir stjórnar Sambands íslenskra sveitarfélaga árið 2022 - 2201013

Fundargerðir stjórnar sambands íslenskra sveitarfélaga nr. 973, 974, 975, 976 og 977 lagðar fram til kynningar.

Fundargerðir lagðar fram til kynningar.

19.

Tónlistarskóli Eyjafjarðar - fundargerðir 2023 - 2204002

Fundargerð skólanefndar Tónlistarskóla Eyjafjarðar nr. 149 lögð fram til kynningar.

Fundargerð lögð fram til kynningar.

20.

Fundargerð fulltrúaráðsfundar 19.03.2025 - 2504007

Lögð fram fundargerð fulltrúaráðsfundar EBÍ frá 19.3.2025. Þá var lagt fram erindi þar sem fram kemur að frá upphafi næsta kjörtímabils munu öll sveitarfélög sem aðild eiga að EBÍ, eiga fulltrúa í fulltrúaráði félagsins.

Lagt fram til kynningar.

21.

Ársreikningur 2024 - 2504009

Ársreikningur UMSE lagður fram til kynningar.

Lagt fram til kynningar.

22.

Fundargerðir HNE - 2208016

Fundargerð Heilbrigðisnefndar Norðurlands eystra nr. 241 lögð fram til kynningar.

Fundargerð lögð fram til kynningar.

23.

Fundargerðir stjórnar Norðurorku - 2202007

Fundargerð stjórnar Norðurorku nr. 309 lögð fram til kynningar.

Fundargerð lögð fram til kynningar.