Sveitarstjórn

1.

Gautsstaðir - Umsókn um byggingarheimild - skipulagsmál - S2509009

Erindi frá eigendum að lóðinni L152889 þar sem sótt er um að byggja geymsluskúr. Ekki er deiliskipulag í gildi á svæðinu og því óskar byggingarfulltrúi umsagnar sveitarstjórnar um erindið.

Þar sem ekki er í gildi deiliskipulag fyrir lóðina samþykkir sveitarstjórn að vísa erindinu í grenndarkynningu skv. 1. mgr. 44. gr. skipulagslaga nr 123/2010. Heimilt verði að stytta grenndarkynningartímabilið ef allir hagsmunaaðilar lýsa því yfir skriflega að ekki sé gerð athugasemd við áformin. Erindið telst samþykkt ef ekki berast andmæli á grenndarkynningartímabilinu.

2.

Vaðlaborgir B - íbúðarbyggð - beiðni um heimild til að vinna deiliskipulag - S2505013

Sveitarstjórn veitti áður heimild til að vinna deiliskipulag fyrir Vaðlaborgir B og samþykkti skipulagslýsingu sem var send í kynningu skv. 3. mgr. 40. gr. skipulagslaga nr. 123/2010. Kynningartíma er nú lokið og bárust 6 erindi á kynningartímabilinu. Sveitarstjórn fjallar um innkomin erindi.

Sveitarstjórn felur skipulags- og byggingarfulltrúa að koma umsögnum sem bárust við skipulagslýsingu á skipulagsráðgjafa og að unnið verði að tillögu að deiliskipulagi fyrir svæðið. Sveitarstjórn leggur áherslu á að við skipulag íbúðarbyggðar og frístundabyggðar í sveitarfélaginu svo og við undirbúning að byggingu stakra húsa skuli gerð grein fyrir fráveitumálum í samræmi við lög og reglugerðir og þess gætt að rotþróm og síubeðum verði þannig fyrir komið að ekki valdi óþægindum eða skaða með lykt eða sigvatni. Á nýjum byggingarsvæðum skal leitast við að sameina fráveitu í stærri rotþrær.

3.

Húsnæðismál skóla í Svalbarðsstrandarhreppi - S2306011

Þröstur Sigurðsson frá Opus verkfræðistofu mætir á fundinn.

Þröstur kynnti fyrir sveitarstjórn og skólastjórnendum drög af teikningum af stækkun á leikskólanum Álfaborg. Sveitarstjórn er ánægð með framlagðar teikningar.

4.

Bréf til sveitarstjórnar - S2509010

Erindi frá Náttúruhamfaratryggingu íslands.

Erindi lagt fram til kynningar.

5.

Fundargerðir stjórnar SSNE - S2208013

Fundargerð stjórnar SSNE lögð fram til kynningar.

Fundargerð lögð fram til kynningar.

6.

Fundargerðir stjórnar Norðurorku - S2202007

Fundargerð stjórnar Norðurorku nr. 312 lögð fram til kynningar.

Fundargerð lögð fram til kynningar.

7.

Fundargerðir stjórnar Sambands íslenskra sveitarfélaga árið 2022 - S2201013

Fundargerð stjórnar Sambands íslenskra sveitarfélaga nr. 984 lögð fram til kynningar.

Fundargerð lögð fram til kynningar.

8.

Fundargerðir Hafnasamlags Norðurlands 2021 - S2102019

Fundargerð stjórnar Hafnarsamlags nr. 300 lögð fram til kynningar.

Fundargerð lögð fram til kynningar.

9.

Tónlistarskóli Eyjafjarðar - fundargerðir 2023 - S2204002

Fundargerð skólanefndar Tónlistaskóla Eyjafjarðar nr. 151 lögð fram til kynningar.

Fundargerð lögð fram til kynningar.

10.

Fundargerðir HNE - S2208016

Fundargerð Heilbrigðisnefndar Norðurlands nr. 243 lögð fram til kynningar.

Sveitarstjórn tekur undir eftirfarandi bókun Heilbrigðisnefndar:

Heilbrigðisnefnd leggur áherslu á að fyrirhugaðar breytingar á regluverki og skipulagi opinbers
eftirlits með hollustuháttum, mengunarvörnum og matvælum verði unnar í nánu samráði og sátt við
sveitarfélögin. Mikilvægt er að áfram verði tryggð öflug nærþjónusta og þekking á staðbundnum
aðstæðum. Heilbrigðisnefnd telur að slíkt fyrirkomulag sé forsenda þess að breytingarnar nái
markmiðum sínum um skilvirkt, samræmt og traust opinbert eftirlit um allt land.