Sveitarstjórn

1.

Geldingsá - Umsókn um byggingareit og stofnun lóðar - S2511008

Erindi sem tekið var fyrir á fundi sveitarstjórnar 9. desember 2025 sl, þar sem Árholt ehf. óskaði eftir að skilgreindur yrði byggingarreitur fyrir íbúðarhús í landi Geldingsár og stofnun nýrrar frístundalóðar. Erindinu var vísað í grenndarkynningu sem lauk 16. janúar sl. en athugasemdir bárust á grenndarkynningartímabilinu frá Minjastofnun og eigendum Geldingsárhlíðar 5 (L230622)

Sveitarstjórn hefur farið yfir umsagnir sem bárust við grenndarkynningu. Að teknu tilliti til ákvæða í gildandi aðalskipulagi og rammahluta aðalskipulags fyrir þróun byggðar í Vaðlaheiði telur sveitarstjórn að áformin feli í sér ráðstöfun lands með skynsömum og hagkvæmum hætti í samræmi við skipulagslög nr. 123/2010. Sveitarstjórn felur Skipulags- og byggingarfulltrúa að ganga frá gildistöku breytingarinnar í samræmi við 42. gr. skipulagslaga nr. 123/2010

2.

Heiðarsól - Beiðni um deiliskipulagsgerð - S2511012

Erindi frá frá vinnuhópi um uppbyggingu innviða við frístundalóðir í Heiðarsól þar sem óskað er eftir breytingu á núverandi deiliskipulagi frístundabyggðar í landi Sólbergs. Deiliskipulagsbreytingin fjallar um fráveitu á svæðinu þar sem komið yrði upp lítilli lífrænni hreinsistöð á hverri lóð í stað sameiginlegra rotþróa eins og núverandi skipulag gerir ráð fyrir.

Sveitarstjórn frestar afgreiðslu erindisins.

3.

Sólheimar 10 L225712 - breyting á byggingarreit v.bílskúrsbyggingar - S2404004

Erindi, fyrir fundinum liggur breytingarblað dags. 22.12.25 þar sem byggingarreitur lóðarinnar Sólheima 10 er stækkaður um 7 m til norður vegna bílskúrsbyggingar. Sveitarstjórn vísaði erindinu upphaflega í grenndarkynningu 24.apríl 2024 þar sem engar athugasemdir bárust og deiliskipulagsbreytingin þ.a.l. samþykkt. Þar sem breytingarblaðið hafði aldrei borist var deiliskipulagsbreytingin aldrei auglýst í B-deild Stjórnartíðinda innan árs frá fyrri samþykkt og því er erindið tekið upp að nýju.

Sveitarstjórn samþykkir að skipulags- og byggingarfulltrúa verði falið að ganga frá gildistöku breytinga á deiliskipulagi Sólheima í landi Sólbergs í samræmi við 2. mgr. 43. gr. og 3. mgr. 44. gr. skipulagslaga nr. 123/2010 þar sem áformin hafa áður verið grenndarkynnt án athugasemda.

4.

Húsnæðisáætlun Svalbarðsstrandarhrepps - S1901020

Endurskoðuð húsnæðisáætlun Svalbarðsstrandarhrepps fyrir árið 2026 lögð fram til samþykktar.

Sveitarstjórn samþykkir Húsnæðisáætlun Svalbarðsstrandarhrepps fyrir árið 2026.

5.

Ráðgjafasamningur vegna velferðarþjónustu og skólaþjónustu - S2512004

Erindi frá Akureyrarbæ, ráðgjafasamningur vegna velferðar-, fræðslu og frístundaþjónustu Svalbarðsstrandarhrepps, Eyjafjarðarsveitar, Grýtubakkahrepps og Hörgársveitar við Akureyrarbæ tekinn til síðari umræðu.

Síðari umræðu og afgreiðslu frestað.

6.

Drög að Loftslagsstefnu Norðurlands eystra til umfjöllunar í sveitarstjórnum. - S2601004

Erindi frá SSNE, drög að Loftslagsstefnu Norðurlands eystra til umfjöllunar í sveitarstjórnum.

Sveitarstjórn vísar málinu til umfjöllunar hjá atvinnu- og umhverfismálanefnd.

7.

Styrkbeiðni fyrir börn með ME - S2601003

Erindi frá ME félagi Íslands, beiðni um styrk.

Sveitarstjórn hafnar erindinu.

8.

Ársskýrsla Héraðsskjalasafnsins á Akureyri 2024 - S2601002

Árskýrsla Héraðsskjalasafnsins á Akureyri fyrir árið 2024 lögð fram til kynningar.

Ársskýrsla lögð fram til kynningar.

9.

Fyrirspurn til sveitarstjórnar Svalbarðsstrandarhrepps varðandi útilistaverk - S2505008

Erindi frá Þórhalli Ingasyni. Beiðni um að sveitarfélagið finni útilistaverkinu Vaðlaheiðarvegamálaverkfærageymslulyklakippuhring stað í sveitarfélaginu.

Sveitarstjórn vísar erindinu vil velferðar- og menningarnefnd til umfjöllunar.

Anna Karen Úlfarsdóttir vék af fundi undir þessum lið.

10.

Umsögn um tækifærisleyfi - S1801004

Erindi frá Sýslumanninum á Norðurlandi eystra, ósk um umsögn sveitarstjórnar um veitingu á tækifærisleyfi þann 7. febrúar 2026 í Valsárskóla (þorrablót).

Sveitarstjórn gerir ekki athugasemd við að umrætt tækifærisleyfi verði veitt.

11.

Fundadagatal nefnda Svalbarðsstrandarhrepps - S1911017

Erindi frá sveitarstjóra, tillaga að fundadagatal sveitarstjórnar Svalbarðsstrandarhrepps 2026 lögð fram til samþykktar.

Sveitarstjórn samþykkir fyrirlagða tillögu að fundadagatali 2026.

12.

Fundargerðir stjórnar SSNE árið 2022 - S2201007

Fundargerð stjórnar SSNE nr. 79 lögð fram til kynningar.

Fundargerð lögð fram til kynningar.

13.

Fundargerðir HNE - S2208016

Fundargerð Heilbrigðisnefndar Norðurlands eystra nr. 245 lögð fram til kynningar.

Fundargerð lögð fram til kynningar.

14.

Hafnarsamlag fundargerðir - S2202008

Fundargerð stjórnar Hafnarsamlags Norðurlands eystra nr. 303 lögð fram til kynningar.

Fundargerð lögð fram til kynningar.

15.

Fundargerðir embættis skipulags- og byggingarfulltrúa - S2203006

Fundargerðir embættis skipulags- og byggingarfulltrúa nr. 103 og 104 lagðar fram til kynningar.

Eftirfarandi mál tekið fyrir tengt Svalbarðsstrandarhreppi.
Sólheimar 17 - einbýlishús 2022 - 2208005
Erindi dagsett 3.12.2025 þar sem Sigurjón Friðjónsson sækir um breytingar á áður
samþykktum teikningum af einbýlishúsi á lóðinni Sólheimar 17, Svalbarðsstrandarhreppi.
Erindinu fylgja uppdrættir frá Eyjólfi Valgarðssyni.
Skipulags- og byggingarfulltrúi samþykkir erindið.

Fundargerð lögð fram til kynningar.

16.

Fundargerðir stjórnar Sambands íslenskra sveitarfélaga árið 2022 - S2201013

Fundargerðir stjórnar sambands íslenskra sveitarfélaga nr. 990 og 991 lagðar fram til kynningar.

Fundargerðir lagðar fram til kynningar.

17.

Svæðisskipulag Eyjafjarðar 2012-2026 Fundargerðir - S2105001

Fundargerð svæðisskipulagsnefndar Eyjafjarðar nr 18 ásamt áætlun fyrir árið 2026 lagt fram til kynningar.

Fundargerð lögð fram til kynningar. Sveitarstjórn staðfestir fjárhagsáætlun svæðisskipulagsnefndar fyrir sitt leyti.