| |
Sveitarstjórn felur skipulagshönnuði að uppfæra skipulagstillöguna í samræmi við afgreiðslu innkominna athugasemda. Að lokinni uppfærslu verði tillagan send HMS til staðfestingar skv. 2. mgr. 32. gr. skipulagslaga nr. 123/2010. Ásamt tillögu fylgir rammahluti aðalskipulags - þróun byggðar í Vaðlaheiði með sem viðauki.
--------------------------------------
Eyjafjarðarsveit
Umsögn:
Svalbarðsstrandarhreppur óskar umsagnar sveitarfélagsins um endurskoðun Aðalskipulags Svalbarðsstrandarhrepps sem er í auglýsingu skv. 31. gr. skipulagslaga nr. 123/2010 og er umsagnarfrestur til 29. apríl nk. Skipulagsnefnd gerir ekki athugasemd við erindið fyrir sitt leyti. Sveitarstjórn gerir ekki athugasemd við erindið fyrir sitt leyti.
Viðbrögð:
Athugasemd krefst ekki breytinga á tillögunni.
Akureyrarbær
Umsögn:
Skipulagsráð Akureyrarbæjar gerir ekki athugasemd við auglýsta tillögu að breytingu á Aðalskipulagi Svalbarðsstrandarhrepps 2008-2020.
Viðbrögð:
Athugasemd krefst ekki breytinga á tillögunni.
Guðmundur Emilsson
Umsögn:
Þetta erindi varðar deiliskipulag fyrir Svalbarðsstrandarhrepp og nánar tiltekið núverandi gáma/sorphirðusvæði Svalbarðseyrar. Í ljósi þess að nýtt skipulag hefur í sér mögulega tilfærslu á sorpsvæðinu. Í fyrsta lagi þá er núverandi svæði tilvalið fyrir sorphirðu og gáma með athafnasvæði fyrir þau tæki sem að sjá um þann flutning. Nýtt svæði annarsstaðar, sem ekki hefur verið greint frá enn, hefur í för með sér gríðarlegan kostnað fyrir sveitarfélagið og engan ávinning annan en að búa til atvinnuhúsnæði fyrir starfsemi sem myndi hafa mjög lítið svæði til athafnar sökum lóðarstærðar. Atvinnuhúsnæði eða iðnaðarbil á þessari lóð gæti haft í för með sér talsvert af auka rusli sem oft fylgir þeim. Einnig er aðveita og fráveita sérstaklega á undanþágu og gæti aldrei tekið við aukinni starfsemi. Þetta síðasta nefnda hefur þegar verið bent á hjá bæði Norðurorku og Rarik. Ég vona að erindið verði tekið til efnislegar yfirferðar.
Viðbrögð:
Í tillögu að endurskoðuðu aðalskipulagi Svalbarðsstrandarhrepps er ekki tekin afstaða til færslu á gámasvæði sveitarfélagsins. Í aðalskipulagi er lögð til áform um endurbætur á fráveitu. Athugasemd krefst ekki breytinga á tillögunni.
Hafrún Helga Arnardóttir
Umsögn:
Breytingar sem varða núverandi gámasvæði / ruslasvæði á Svalbarðseyri þarf að auglýsa og kynna betur fyrir íbúum sveitarfélagsins áður en að þessar breytingar verða samþykktar.
Viðbrögð:
Í tillögu að endurskoðuðu aðalskipulagi Svalbarðsstrandarhrepps er ekki tekin afstaða til færslu á gámasvæði sveitarfélagsins. Athugasemd krefst ekki breytinga á tillögunni.
Birgir Ingason
Umsögn:
Ég tel ekki forsendur fyrir því að færa núverandi gámasvæði. Núverandi fráveitu- og frárennsliskerfi ræður ekki við þá uppbyggingu iðnaðarhúsnæðis sem fyrirhuguð er og þyrfti að vinna í þeim málum áður en annað væri til skoðunar Flutningur gámasvæðisins myndi auk þess fela í sér umtalsverðan viðbótarkostnað, m.a. vegna nýrrar aðstöðu, rampa og aðkomu. Skynsamlegra er að halda svæðinu á núverandi stað og endurmeta skipulagið með hliðsjón af burðargetu innviða og kostnaði.
Viðbrögð:
Í tillögu að endurskoðuðu aðalskipulagi Svalbarðsstrandarhrepps er ekki tekin afstaða til færslu á gámasvæði sveitarfélagsins. Athugasemd krefst ekki breytinga á tillögunni.
Dóra Kristjánsdóttir
Umsögn:
Að færa núverandi sorphirðu svæði er ílla ígrunduð ákvörðun bæði kostnaðarsöm og ástæðulaus Í það minnsta þarf að kinna þetta betur.
Viðbrögð:
Í tillögu að endurskoðuðu aðalskipulagi Svalbarðsstrandarhrepps er ekki tekin afstaða til færslu á gámasvæði sveitarfélagsins. Athugasemd krefst ekki breytinga á tillögunni.
Minjastofnun Íslands
Umsögn:
Minjastofnun skilaði inn umsögnum um skipulagslýsingu verkefnisins, sjá umsögn vegna endurskoðunar Aðalskipulags Svalbarðsstrandarhrepps, Akureyri, 21. febrúar 2024 (MÍ202402-0026/ 6.08 / S.G). Stofnunin skilaði einnig umsögn um aðalskipulagið á vinnslustigi, þann 18. júní 2025 (MÍ202505-0130/ 6.08 / S.G.) Brugðist hefur verið við öllum athugasemdum stofnunarinnar nema einni sem snýr að uppfærslu á fornleifaskráningu. Minjastofnun vekur því athygli á að enn á eftir að uppfæra fornleifaskráningu. Í umsögn um lýsinguna sagði: Fornleifar, hús og mannvirki í þéttbýli og á svæðum þar sem eru fyrirhugaðar framkvæmdir sem valda jarðraski á skipulagstímanum skulu skráðar á vettvangi áður en aðalskipulag er samþykkt. Undir þetta falla allar byggingaframkvæmdir [á vegum sveitarfélagsins], auk þess sem önnur framkvæmdasvæði þar sem jarðrask er fyrirsjáanlegt geta fallið hér undir [svo sem skógrækt]. Skilgreining slíkra svæða skal gerð í samráði við minjavörð hvers landshluta. Fornleifaskráningu skal vinna í samræmi við staðla Minjastofnunar Íslands um fornleifaskráningu. Í undantekningartilvikum mun stofnunin samþykkja að skráning fornleifa, húsa og mannvirkja vegna aðalskipulags verði unnin á gildistíma skipulagsáætlunar ef gert er samkomulag með tímasettri áætlun, sem er undirrituð af fulltrúum sveitarfélags og Minjastofnunar, sbr. 2. mgr. 16. gr. laga um menningarminjar. Einnig var farið yfir þetta í áðurnefndri umsögn um aðalskipulagið á vinnslustigi. Að öðru leyti hefur Minjastofnun Íslands ekki athugasemdir við nýtt aðalskipulag Svalbarðsstrandarhrepps.
Viðbrögð:
Sumarið 2004 vann Fornleifastofnun Íslands skráningu fornleifa fyrir allt sveitarfélagið. Til stendur að skráningin verði uppfærð og athygli beint að svæðum þar sem áform eru um framkvæmdir eða jarðrask. Því er beint til fulltrúa sveitarfélagsins að gera samkomulag við Minjastofnun með tímasettri áætlun um uppfærða skráningu fornleifa.
Emilía Baldursdóttir
Umsögn:
Aðalskipulag Svalbarðsstrandarhrepps: Skipulagsfulltrúi hefur óskað eftir umsögn Óshólmanefndar um endurskoðað Aðalskipulag Svalbarðsstrandarhrepps. Óshólmanefnd telur að skipulagið sé utan verksviðs nefndarinnar og því ekki tilefni til umsagnar.. f.h. Óshólmanefndar, Emilía Baldursdóttir,
Viðbrögð:
Athugasemd krefst ekki breytinga á tillögunni.
Heilbrigðiseftirlit Norðurlands eystra
Umsögn:
Eftirfarandi athugasemdir og ábendingar eru gerðar: HNE bendir sérstaklega á að ný reglugerð um fráveitur nr. 1450/2025 hefur tekið gildi og fellir hún úr gildi reglugerð 798/1999 sem vísað er til í greinargerð aðalskipulagsins. Uppfæra þarf greinargerðina með tilliti til þess og tryggja að framkvæmd verði í samræmi við þær kröfur sem reglugerðin setur.
Viðbrögð:
Uppfærsla verður gerð á greinargerð í samræmi við nýja reglugerð um fráveitu.
Heilbrigðiseftirlit Norðurlands eystra
Umsögn:
HNE bendir á að í kafla um vatnsból og vatnsverndarsvæði í greinargerð aðalskipulagsins er misræmi í orðalagi varðandi girðingu brunnsvæða. Annars vegar er tekið fram (kafli 10.3) að brunnsvæði skuli vera afgirt og hins vegar að sveitarstjórn (kafli 10.3.1) geti krafist þess að svæðin verði afgirt. Samkvæmt 13. gr. reglugerðar nr. 796/1999 um varnir gegn mengun vatns er það hins vegar heilbrigðisnefnd, en ekki sveitarstjórn, sem getur, þar sem þörf krefur, krafist þess að brunnsvæði verði girt mannheldri girðingu. HNE leggur því áherslu á að orðalag greinargerðar verði leiðrétt til samræmis við gildandi reglugerð. HNE bendir á að í greinargerð aðalskipulagsins (kafla 10.3) eru sett fram almenn ákvæði um vatnsverndarsvæði, m.a. um bann við byggð og takmarkanir á umferð vélknúinna ökutækja. Slíkt almennt orðalag gerir ekki nægilegan greinarmun á brunnsvæði, grannsvæði og fjarsvæði og er ekki að fullu í samræmi við reglugerð nr. 796/1999 um varnir gegn mengun vatns. Þá kemur síðar í greinargerðinni fram hvaða takmarkanir gilda á hverju svæði og skarast hluti efnisins jafnframt við 9. kafla um stefnumörkun fyrir veitur. Að mati HNE er þessi kafli því óþarfur og lagt er til að hann verði felldur brott. Að öðru leyti er vísað til umsagnar HNE um vinnslutillögu dags. 19. júní 2025.
Viðbrögð:
Farið verður yfir orðlag um vatnsvernd í greinargerð.
Norðurorka
Umsögn:
Vegna mismunandi þrýstings á veitum Norðurorku á Svalbarðsströnd er misjafnt eftir staðsetningu hversu langt yfir sjávarmáli Norðurorka getur afhent heitt og kalt vatn. Því er mikilvægt að hafa samband við Norðurorku sem fyrst þegar skipuleggja á nýja byggð og kanna hvort tengingar séu mögulegar. Ekki er gert ráð fyrir að heimtaugar hitaveitu séu lengri en 200 m frá stofni. Einnig vill Norðurorka árétta að ef færa þarf veitulagnir vegna úthlutunar nýrra lóða til húsbygginga, fellur kostnaður á þann er óskar breytinganna, eftir atvikum á Akureyrarbæ eða lóðarhafa háð framsetningu skipulagsyfirvalda á lóðarskilmálum.
Viðbrögð:
Settur verður inn fyrirvari í greinargerð um tengingar í nýjum byggðum.
Náttúruverndarstofnun
Umsögn:
Líffræðileg fjölbreytni - stefna og markmið til ársins 2030 Náttúruverndarstofnun bendir á að í lok árs 2025 gaf ráðherra út stefnumótandi skjal um líffræðilega fjölbreytni, Líffræðileg fjölbreytni - stefna og markmið til ársins 2030. Í stefnunni er lögð áhersla á að stöðva hnignun líffræðilegrar fjölbreytni, vernda vistkerfi og tryggja endurheimt þeirra, auk þess sem kveðið er á um mikilvægi þess að samþætta vernd líffræðilegrar fjölbreytni í alla stefnumótun og áætlanagerð, þar á meðal skipulagsáætlanir sveitarfélaga. Náttúruverndarstofnun telur mikilvægt að markmið og áherslur stefnunnar séu höfð að leiðarljósi við gerð skipulagsáætlana, einkum hvað varðar landnotkun, vernd vistkerfa og forgangsröðun aðgerða sem stuðla að sjálfbærri þróun og langtímavernd náttúrugæða.
Viðbrögð:
Í tillögu aðalskipulags Svalbarðsstrandarhrepps er lögð áhersla á sjálfbæra nýtingu auðlinda og að við útgáfu framkvæmdaleyfa sé tekið sé tillit til viðkomandi lífríkis og náttúrulegs breytileika. Farið verður yfir greinargerð með stefnu ráðherra um líffræðilega fjölbreytni til hliðsjónar.
Náttúruverndarstofnun
Umsögn:
Landbúnaðarland og líffræðileg fjölbreytni Í greinargerð kemur fram að land sé flokkað til landbúnaðarnota og ræktunar. Náttúruverndarstofnun bendir á að slík flokkun útilokar ekki að viðkomandi svæði hafi jafnframt mikilvægt vistfræðilegt gildi. Land sem talið er henta til ræktunar getur gegnt lykilhlutverki sem búsvæði fyrir fugla, smádýr og plöntur, einkum ef þar er að finna hálfnáttúruleg vistkerfi, jaðarsvæði, votlendi eða lítt raskaðan gróður. Að mati Náttúruverndarstofnunar er mikilvægt að við mat á landnotkun og stefnumörkun í aðalskipulagi sé ekki einungis horft til framleiðslugildis lands heldur einnig til vistfræðilegs hlutverks þess. Vernd slíkra svæða getur stuðlað að viðhaldi og eflingu líffræðilegrar fjölbreytni, m.a. með því að tryggja samfellu búsvæða, draga úr röskun og styðja við vistkerfi sem eru undir álagi á landsvísu. M.a segir varðandi flokk 4 í greinargerð: Þetta land hentar ekki til akuryrkju en getur hentað vel til beitar, skógræktar eða fyrir tún. Náttúruverndarstofnun telur því mikilvægt að við flokkun og nýtingu landbúnaðarlands fari fram heildstætt mat á verndargildi þess og að leitast sé við að samræma landbúnaðarnotkun og vernd líffræðilegrar fjölbreytni, eftir því sem kostur er.
Viðbrögð:
Bætt verður við umfjöllun um vistkerfi í kafla um flokkun landbúnaðarlands og greinargerð yfirfarin með áherslu á vernd líffræðilegrar fjölbreytni.
Náttúruverndarstofnun
Umsögn:
Efnistaka Náttúruverndarstofnun bendir á að mikilvægt er að skilgreina hvað átt er við með orðalaginu, efnistaka til eigin nota, hver skilningur sveitarstjórnar sé með orðalaginu minniháttar efnistaka og hvernig sú efnistaka sé flokkuð og hvernig sveitarfélagið hyggst framfylgja stefnunni, þá sérstaklega varðandi efnistöku á verndarsvæðum. Í greinargerð segir að óheimilt er að fara í efnistöku á svæðum þar sem eru jarðmyndanir og vistkerfi sem njóta verndar skv. 37. gr. náttúruverndarlaga nr. 60/2013, hér á líklega átt við 61. gr. náttúruverndarlaga.
Viðbrögð:
Óheimilt er að raska svæðum sem falla undir 61. gr. náttúruverndarlaga. Tilvitnun í náttúruverndarlög verður yfirfarin og viðmiðunarreglur um minniháttar efnistöku.
Náttúruverndarstofnun
Umsögn:
Skógrækt Í greinargerð kemur fram að á svæðum sem hafa sérkenni og eiginleika sem skógrækt getur spillt, m.a. vegna náttúrufars, auðlinda eða útivistargildis, skuli skógrækt takmörkuð eða óheimil. Hins vegar kemur fram í umhverfismati að skógur hefur fælandi áhrif á ákveðnar tegundir en séu kjörið búsvæði fyrir aðrar tegundir, sömuleiðis hafa skógar mismikil áhrif á tegundafjölbreytni eftir þéttleika og trjátegundum. Einnig skiptir máli hvernig núllstaða vistkerfisins er þegar skógrækt hefst. Áhrif á vistkerfi eru því metin óviss eða hlutlaus. Náttúruverndarstofnun bendir á að ef sveitarfélagið er búin að setja fram skilmála um að skógrækt sé takmörkuð eða óheimil á svæðum vegna náttúrufars ætti skógrækt ekki að hafa áhrif á líffræðilegan fjölbreytileika, mikilvæg vistkerfi, vistgerðir með hátt verndargildi og ábyrgðartegundir fugla. Náttúruverndarstofnun bendir á að spói og heiðlóa, líkt og aðrar vaðfuglategundir sem eru ábyrgðartegundir, verpa almennt ekki í skóglendi og rannsóknir hafa sýnt mikil jaðaráhrif skóga á þær, þ.e. þær kjósa að verpa frekar fjarri skógum en nálægt þeim . Í greinargerð er nefnt að fuglategundasamsetning svæðisins breytist þar sem nýjar og góðar aðstæður skapast fyrir aðrar fuglategundir, þá einkum spörfugla. Taka skal mið af því að spörfuglategundir þessar glíma ekki við búsvæðaeyðingu og stofnfækkun líkt og mófuglategundir sem nýta sér opin svæði til bæði varps og fæðuöflunar. Ekki er hægt að leggja líffræðilegan fjölbreytileika fyrir og eftir framkvæmdir á við þessa að jöfnu þó fuglategundafjölda á svæðinu fækki ekki tölulega séð. Náttúruverndarstofnun bendir á að rannsóknir sýna að skógrækt á opnum vistkerfum, svo sem mólendi og graslendi, leiðir oft til fækkunar tegunda sem eru háðar slíkum búsvæðum, þar á meðal mófugla. Ísland ber sérstaka ábyrgð á vernd slíkra tegunda og búsvæða þeirra. Þótt skógrækt geti aukið fjölbreytni sumra tegunda breytir hún jafnframt eðli vistkerfa og getur leitt til taps á einkennandi líffræðilegum fjölbreytileika viðkomandi svæða. Náttúruverndarstofnun bendir á að kolefnisbinding ein og sér réttlætir ekki sjálfkrafa breytingu á landnotkun, sérstaklega ef hún felur í sér rask á vistkerfum með hátt verndargildi, svo sem vistkerfum eða votlendi. Slík vistkerfi geta jafnframt gegnt mikilvægu hlutverki í kolefnisbúskap og líffræðilegri fjölbreytni. Náttúruverndarstofnun telur að án ferkari greiningar á aðalskipulagstigi sé hætta á að áhrif skógræktar á líffræðilega fjölbreytni séu vanmetin.
Viðbrögð:
Umfjöllun um líffræðilega fjölbreytni með tilliti til skógræktar verður yfirfarin í greinargerð.
Náttúrufræðistofnun
Umsögn:
Líffræðileg fjölbreytni og náttúruvernd Náttúrufræðistofnun ítrekar að vernd líffræðilegrar fjölbreytni og sjálfbær nýting náttúruauðlinda eigi að vera grundvallarþáttur í stefnumörkun aðalskipulags. Við skipulagsgerð og útfærslu landnotkunar er mikilvægt að tekið sé fullt tillit til verndargildis vistgerða og búsvæða, í samræmi við markmið náttúruverndarlaga. Sérstaklega ber að huga að vistkerfum sem njóta sérstakrar verndar, svo sem votlendi og öðrum viðkvæmum svæðum, og tryggja að framkvæmdir rýri ekki verndargildi þeirra. Í gagnagrunni Náttúrufræðistofnunar eru skráðar nokkrar tegundir plantna innan sveitarfélagsins sem eru á válista. Alls eru þekktir vaxtarstaðir sex tegunda æðplantna á válista innan Svalbarðsstrandarhrepps, þar af eru fimm þeirra friðlýstar. Náttúrufræðistofnun leggur áherslu á að upplýsingar um vaxtarstaði þessara tegunda liggi fyrir og að tekið sé fullt tillit til þeirra við gerð aðal- og deiliskipulags, þannig að koma megi í veg fyrir röskun þeirra við mögulegar framkvæmdir.
Viðbrögð:
Tekið verður tillit til friðlýstra tegunda í aðalskipulagi eftir því sem fyrirliggjandi gögn gefa kost á.
Náttúrufræðistofnun
Umsögn:
Skógrækt Gert er ráð fyrir aukinni skógrækt og landgræðslu innan sveitarfélagsins. Náttúrufræðistofnun bendir á að þótt slík landnotkun geti haft jákvæð áhrif, m.a. á jarðveg og skjólmyndun, getur hún jafnframt haft veruleg áhrif á vistkerfi, landslag og búsvæði tegunda, einkum þar sem hún fer fram á opnum svæðum á borð við graslendi og mólendi. Slík vistkerfi eru mikilvæg búsvæði margra tegunda, þar á meðal mófugla, og breyting á landnotkun getur leitt til taps á einkennandi líffræðilegum fjölbreytileika. Náttúrufræðistofnun bendir á að ýmsar vaðfuglategundir, svo sem spói og heiðlóa, sem teljast ábyrgðartegundir Íslands, verpa almennt ekki í skóglendi. Rannsóknir hafa jafnframt sýnt að skógrækt getur haft veruleg jaðaráhrif á búsvæði þeirra, þar sem þær kjósa að verpa fjarri skógum fremur en í nágrenni þeirra. Þótt fuglategundasamsetning geti breyst með tilkomu skógar, þannig að aðstæður skapist fyrir aðrar tegundir, einkum spörfugla, er mikilvægt að hafa í huga að slíkar tegundir glíma almennt ekki við sömu áskoranir og mófuglar, sem reiða sig á opin búsvæði til varps og fæðuöflunar. Breytingar á tegundasamsetningu fela því ekki sjálfkrafa í sér jákvæð áhrif á líffræðilega fjölbreytni. Náttúrufræðistofnun leggur áherslu á að val á svæðum til skógræktar byggi á heildstæðu mati á vistgerðum og verndargildi þeirra og að forðast verði skógrækt á svæðum þar sem hún getur spillt verðmætum náttúru. Einnig er mikilvægt að fylgjast með útbreiðslu skógræktartegunda og koma í veg fyrir að þær dreifi sér út fyrir skilgreind svæði. Þá er æskilegt að við skógrækt sé eftir fremsta megni leitast við að nota innlendar tegundir, enda eru þær betur aðlagaðar aðstæðum og líklegri til að falla að náttúrulegu vistkerfi svæðisins. Einnig er rétt að hafa í huga að mismunandi vistkerfi gegna ólíku hlutverki í kolefnisbúskap og að rask á náttúrulegum vistkerfum, svo sem votlendi og grónu graslendi, getur haft áhrif á kolefnisforða þeirra. Því er mikilvægt að taka tillit til þessa við val á svæðum til skógræktar.
Viðbrögð:
Bætt verður við umfjöllun um vistkerfi og líffræðilega fjölbreytni í kafla um skógrækt og kolefnisríkan jarðveg og greinargerð yfirfarin með áherslu á vernd líffræðilegrar fjölbreytni.
Náttúrufræðistofnun
Umsögn:
Niðurstaða Náttúrufræðistofnun telur að tillagan feli í sér mikilvæga stefnumörkun fyrir þróun Svalbarðsstrandarhrepps til næstu ára. Stofnunin telur að aðalskipulagstillagan sé í heild sinni ítarleg og vönduð. Í samræmi við fyrri umsagnir leggur Náttúrufræðistofnun áherslu á að við frekari útfærslu skipulagsins, einkum á deiliskipulagsstigi, verði lagt mat á náttúrufar þeirra svæða sem kunna að verða fyrir raski. Sérstaklega er mikilvægt að tryggja vernd vistgerða með hátt verndargildi og búsvæða tegunda, þ.m.t. válistategunda, og að fyrirliggjandi upplýsingar um slík svæði séu nýttar markvisst við skipulagsgerð. Jafnframt er mikilvægt að við útfærslu skipulagsins verði gætt að heildarsýn í landnotkun og að metin verði samlegðaráhrif ólíkra landnotkunarþátta á náttúrufar og landslag. Einnig þarf að tryggja að landnýting samræmist markmiðum um vernd líffræðilegrar fjölbreytni og sjálfbæra þróun.
Viðbrögð:
Bætt verður við fyrirvara og ákvæði um mat á náttúrufari þeirra svæða sem kunna að verða fyrir raski vegna útgáfu byggingar- og framkvæmdaleyfa, sérstaklega verður lögð áhersla á tegundir með hátt verndargildi og búsvæði válistategunda.
Þingeyjarsveit
Umsögn:
Skipulagsnefnd Þingeyjarsveitar fjallaði um málið á fundi sínum þann 22. 4. 2026 og bókaði eftirfarandi: Skipulagsnefnd felur skipulagsfulltrúa að skoða samræmi við sveitarfélagamörk í aðalskipulagi Þingeyjarsveitar. Skipulagsnefnd gerir að öðru leiti ekki athugasemdir við framlögð gögn. Ekkert misræmi kom fram við skoðun sveitarfélagamarka frá tillögu að aðalskipulagi Þingeyjarsveitar 2024-2044. Þingeyjarsveit gerir því ekki athugasemdir við framlögð gögn.
Viðbrögð:
Athugasemd krefst ekki breytinga á tillögunni.
Vegagerðin - Norðursvæði
Umsögn:
Sveitarfélag skal útbúa drög að þekju yfir vegi í náttúru Íslands við gerð aðalskipulags skv. reglugerð nr. 260/2018. Á heimasíðu Skipulagsstofnunar er að finna leiðbeiningar um nánari útfærslu og vinnu. Tengingar vega í náttúru Íslands við þjóðvegi eru háðar samþykki Vegagerðarinnar og óskar Vegagerðin eftir því að settur verði fyrirvari um endanlega staðsetningu núverandi tenginga. Þekja skal send til Vegagerðarinnar til endanlegrar samþykktar, bæði varðandi tengingar við þjóðvegi og vegna yfirferðar landupplýsingagagna. Þegar sátt er um gögnin tekur Skipulagsstofnun við skránni og sér til þess að hún berist Vegagerðinni til skráningar og birtingar. Þessi vinna getur verið tímafrek og gera þarf ráð fyrir henni í ferli við vinnu aðalskipulags.
Viðbrögð:
Í umsögn Vegagerðarinnar frá 20. júní 2025 segir: Skrá sveitarfélagsins yfir vegi í náttúru Íslands hefur verið samþykkt hjá Vegagerðinni. Ekki hafa verið gerðar breytingar á þekju vega í náttúru Íslands.
Vegagerðin - Norðursvæði
Umsögn:
Óskað er eftir því að fram komi í skipulagi að uppdrættir séu ekki bindandi fyrir aðra vegi en stofn- og tengivegi. Miklar breytingar eru á því hvað telst til héraðsvega vegna breytinga á búsetu og atvinnurekstri. Umferðaröryggi á þjóðvegum byggist m.a. á fjölda og þéttleika vegamóta/tenginga. Veghönnunarreglur kveða á um lágmarks fjarlægð á milli vegamóta/tenginga. Víða innan sveitarfélagsins er of stutt á milli vegtenginga og lítið svigrúm fyrir nýjar. Vinna þarf í því að fækka tengingum við þjóðvegi í sveitarfélaginu.
Viðbrögð:
Í greinargerð segir: Stofnvegir og tengivegir eru skilgreindir á skipulagsuppdráttum. Einnig eru aðrir vegir sýndir til skýringar á uppdrætti þar sem talin er þörf á að gera grein fyrir þeim, óháð flokkun eða eignarhaldi. Aðeins stofn- og tengivegir eru skipulagsskyldir í aðalskipulagi, auk vega í náttúru Íslands. Í aðalskipulagi eru ekki lagðar til nýjar tengingar við þjóðvegi. Athugasemd krefst ekki breytinga á tillögunni.
Vegagerðin - Norðursvæði
Umsögn:
Gríðarleg uppbygging á sér stað og er fyrirhuguð í. Vegagerðin bendir á að svæðið meðfram er orðið mjög fjölmennt og þétt og hér sé um þéttbýli að ræða skv. skipulagslögum. Bendir Vegagerðin á umsögn Skipulagsstofnunar vegna YtriVarðgjár í þeim efnum. Um vegi utan þéttbýlis gilda reglur um fjarlægð íbúða- og frístundahúsa frá þjóðvegum og veghönnunarreglur, meðal annars um fjarlægðir á milli vegamóta. Einnig þarf að sækja um leyfi fyrir öllum framkvæmdum og mannvirkjum innan veghelgunarsvæðis. Með vísan til skipulagsreglugerðar nr. 90/2013 skal hafa samráð við Vegagerðina um ákvörðun á lægstu gólfhæða bygginga.
Viðbrögð:
Athugasemd krefst ekki breytinga á tillögunni.
Vegagerðin - Norðursvæði
Umsögn:
Ekki er fjallað um almenningssamgöngur í skipulaginu. Sveitarfélagið er orðið nokkuð fjölmennt með stækkandi þéttbýliskjarna á Svalbarðseyri og Vaðlareit. Nálægð við Akureyri gerir það að verkum að talsvert er sótt þangað vegna skóla, atvinnu og tómstunda. Huga þarf því að almenningssamgöngum bæði innan sveitarfélagsins og við nágrannasveitarfélög.
Viðbrögð:
Í greinargerð kafla 8.1 á bls 61 segir: Engar almenningssamgöngur eru virkar innan sveitarfélagsins og ólíklegt að forsendur skapist fyrir hefðbundum rekstri almenningsvagna á skipulagstímabilinu. Með örri tækniþróun og tilkomu deilifarartækja er ekki útséð með að einhverskonar form á almenningssamgöngum verði komið á fót í náinni framtíð. Athugasemd krefst ekki breytinga á tillögunni.
Vegagerðin - Norðursvæði
Umsögn:
Vegagerðin hefur sett fram viðmiðunarreglur um lágmarks land- og gólfhæð á lágsvæðum við strendur vegna sjávarflóða, jarðskorpuhreyfinga og sjávarstöðuhækkana. Þessar viðmiðunarreglur eru endurskoðaðar reglulega með nýjustu upplýsingum og spám um jarðskorpuhreyfingar og sjávarstöðuhækkanir. Því er lagt til að haft verði samráð við Vegagerðina þegar framkvæmdir á deiliskipulagssvæðinu eru undirbúnar.
Viðbrögð:
Samráð verður haft við Vegagerðina vegna deiliskipulagsgerðar á lágsvæðum.
Vegagerðin - Norðursvæði
Umsögn: Í kafla 7.4 er fjallað um skógrækt. Ekki má planta trjám innan veghelgunarsvæðis án leyfis Vegagerðarinnar. Tryggja þarf að vegsýn og að gróður valdi ekki snjósöfnun á vegum.
Viðbrögð:
Bætt verður við umfjöllun um veghelgunarsvæði í greinargerð um skógrækt.
Vegagerðin - Norðursvæði
Umsögn:
Vegagerðin minnir á að skv. Vegalögum nr. 80/2007 er veghelgunarsvæði 30 m breitt til hvorrar handar frá miðlínu stofnvega en 15 m frá miðlínu annara þjóðvega. Vegagerðin óskar eftir því að veghelgunarsvæði sé tilgreint í greinargerð enda getur það haft áhrif á nýtingu lands. Sækja þarf um leyfi til Vegagerðarinnar fyrir öllum mannvirkjum og framkvæmdum innan veghelgunarsvæðis. Á það við þótt mannvirki eða framkvæmdir séu í samræmi við samþykkt skipulag. Samkvæmt vegalögum þarf leyfi Vegagerðarinnar fyrir tengingum við þjóðvegi sem og breyttri notkun núverandi teninga sem kalla á aukna umferð.
Viðbrögð:
Bætt verður við almennri umfjöllun um veghelgunarsvæði í greinargerð.
|
| |
Ársreikningur Svalbarðsstrandarhrepps fyrir árið 2025 tekinn til síðari umræðu og samþykktur samhljóða. Fyrri umræða fór fram 21. apríl.
Staða sveitarfélagsins er sterk og reksturinn er í góðu jafnvægi.
Helstu niðurstöður ársreiknings 2025:
Rekstrartekjur A- og B-hluta voru 856,7 millj. sem er 8 % hækkun frá 2024.
Laun og launatengd gjöld voru 456 millj. sem er 12,8 % hækkun frá 2024.
Launakostnaður sem hlutfall af rekstrartekjum A-hluta hækkar því milli ára og er 53,8 %.
Annar rekstrarkostnaður var 263 millj. sem er um 2,8% undir áætlun ársins.
Rekstrarniðurstaða var jákvæð um 98,7 millj. en áætlun gerði ráð fyrir 93,3 millj.
Stærsti málaflokkur í rekstri sveitarfélagsins eru fræðslu- og uppeldismál. Kostnaður málaflokksins nam um 61,4 % af heildarskatttekjum aðalsjóðs samanborið við 59,0 % árið 2024 og 60,8 % árið 2023.
Langtímaskuldir A og B-hluta eru 14,93 millj. og er það eingöngu lán vegna Laugartúns 6b. Skuldaviðmið sveitarfélagsins samkv. reglugerð er 0%, leyfilegt hámark er 150%.
Veltufé frá rekstri var 148,9 millj. eða 16,7%. Nettó fjárfestingar ársins voru 182,4 millj.
Handbært fé í árslok var 90,4 millj. Eigið fé sveitarfélagsins í árslok 1.290 millj.
|
