Sveitarstjórn
28. fundur sveitarstjórnar Svalbarðsstrandarhrepps 2014 -2018 var haldinn í Ráðhúsinu Svalbarðseyri, miðvikudaginn 12. ágúst 2015 kl. 13:30.
Fundinn sátu: Valtýr Þór Hreiðarsson oddviti, Guðfinna Steingrímsdóttir varaoddviti, Ólafur Rúnar Ólafsson aðalmaður, Anna Karen Úlfarsdóttir aðalmaður, Halldór Jóhannesson aðalmaður, Eiríkur H. Hauksson sveitarstjóri og Harpa Halldórsdóttir skrifstofustjóri.
Fundargerð ritaði: Harpa Halldórsdóttir
Dagskrá:
Fundurinn hófst með vettvangsferð um eyrina. Síðan kom gestur fundarins, Inga Sigrún Atladóttir, og sagði frá gangi mála varðandi sameiningu leik- og grunnskóla.
1. 1407118 – Bygging fjórbýlishúss við Laugartún 5-7.
Niðurstöður úr grenndarkynningu.
Tvö erindi bárust sveitarstjórn í þessari grenndarkynningu. Það fyrra var frá íbúum í Smáratúni 4, en þar var spurt hvort breyting yrði á hæð lóðarinnar á lóðarmörkum við Smáratún. Svarið við því er að hæðin á lóðinni á ekkert að breytast í og við lóðarmörkin að Smáratúni.
Seinna erindið barst frá íbúum í Laugartúni 9, en þar hafa íbúar áhyggjur af því að með tilkomu nýrra húsa við Laugartún 1, 3, 5 og 7 muni lokast á möguleikann að fara með ökutæki að baklóð þeirra. Óska þau því eftir því við sveitarstjórn að settar verði kvaðir á lóðir við Laugartún 1-7 um að akfær stígur (ekki malarborinn stígur) verði vestast á lóðunum.
Sveitarstjórn telur að slík kvöð myndi skerða verulega notagildi lóðanna við Laugartún 1-7, eins þyrfti að leita eftir umsögn frá lóðarhöfum í Smáratúni 2, 4, 6 og 8 ef setja eigi slíka kvöð á. Sveitarstjórn telur því ekki unnt að verða við þessari beiðni.
2. 1407158 – Fundargerð nr. 97 frá Byggingarnefnd.
Lagt fram til kynningar.
3. 1407159 – Fundargerðir nr. 266 - 269 frá Eyþingi.
Lagt fram til kynningar.
4. 1407160 – Fundargerð nr. 829 frá Sambandi ísl. sveitarfélaga.
Lagt fram til kynningar.
5. 1407161 – Hugsanleg landakaup á Svalbarðseyri.
Samþykkt einróma að fela oddvita og sveitarstjóra að ganga til samninga við eigendur Svalbarðs um landakaup, u.þ.b. 3,5 hektara en í dag klýfur viðkomandi land landareign hreppsins.
Fleira ekki gert.
Fundi slitið kl. 16:15
