Sveitarstjórn
35. fundur sveitarstjórnar Svalbarðsstrandarhrepps 2014 -2018 var haldinn í Ráðhúsinu Svalbarðseyri, þriðjudaginn 16. nóvember 2015 kl. 14:00.
Fundinn sátu: Valtýr Þór Hreiðarsson oddviti, Guðfinna Steingrímsdóttir varaoddviti, Ólafur Rúnar Ólafsson aðalmaður, Halldór Jóhannesson aðalmaður, Anna Karen Úlfarsdóttir aðalmaður, Sigurður Halldórsson varamaður, Eiríkur H. Hauksson sveitarstjóri og Harpa Halldórsdóttir skrifstofustjóri.
Fundargerð ritaði: Harpa Halldórsdóttir
Dagskrá:
1. 1407193 – Viðauki við fjárhagsáætlun 2015.
Sveitarstjórn samþykkir viðaukann, sjá fylgiskjal. Þar kemur fram að launahækkanir eru áætlaðar um 8,6 milljónir króna og hækkun á öðrum kostnaði um 16,5 milljónir króna. Lækkun fjárfestinga er áætluð um 10 milljónir kr. Þessu er mætt með umtalsverðri hækkun útsvarstekna, sem er áætluð um 36 milljónir króna frá upphaflegri áætlun.
2. 1407194 – Erindi dagsett 06.11.2015 frá Pétri Þór Jónassyni
formanni stjórnar Greiðrar leiðar ehf varðandi hækkun á hlutafé félagsins og
hvort sveitarfélagið hyggst nýta forkaupsrétt sinn. Einnig er óskað eftir að
hluthafar staðfesti að þeir falli frá forkaupsrétti á 1,1 milljón kr.
Sveitarstjórn samþykkir að nýta forkaupsrétt Svalbarðsstrandarhrepps í 38,9 milljón kr. hlutafjáraukningu. Hlutur Svalbarðsstrandarhrepps í aukningunni er 2,12%, eða 825.632. kr. Sveitarstjórn samþykkir einnig að falla frá forkaupsrétti á 1,1 milljón kr.
3. 1407195 – Fundargerð nr. 831 frá stjórn Sambands ísl. sveitarfélaga.
Lagt fram til kynningar.
4. 1407196 – Erindi dags. 10.11.2015 frá Helgu Kvam fyrir hönd
Tónlistarskólans varðandi húsnæðismál skólans.
Sveitarstjórn er jákvæð gagnvart erindinu og vísar því til Skólanefndar til frekari úrvinnslu.
5. 1407197 – Erindi dags. 10.11.2015 frá Ingu Sigrúnu Atladóttir fyrir hönd
Valsárskóla / Álfaborgar. Í erindinu er fjallað um þá hugmynd að gefa
sameinuðum skóla nýtt nafn.
Í erindinu kemur fram að hugmyndin var til umfjöllunar á Skólaþingi þar sem meirihluti vildi láta skoða hana. Erindinu vísað til Skólanefndar.
6. 1407198 – Úrskurður dags. 04.11.2015 frá Úrskurðanefnd umhverfis- og
auðlindamála. Mál nr. 24/2013, kæra BB bygginga ehf. á afgreiðslu
byggingarfulltrúa Svalbarðsstrandarhrepps frá 04.02.2013 um að synja
útgáfu byggingarleyfis fyrir frístundahúsi á lóð nr. 44 í Kotabyggð.
Lagt fram til kynningar.
7. 1407199 – Bréf dags. 09.11.2015 frá Úrskurðanefnd umhverfis- og
auðlindamála. Þar er afrit kæru, dags. 06.11.2015 sem borist hefur
nefndinni, ásamt fylgigögnum þar sem kærð er ákvörðun Heilbrigðisnefndar
Norðurlands eystra um að veita starfsleyfi til Græneggs ehf, í
Sveinbjarnargerði II. Þá er einnig kærð ákvörðun sveitarstjórnar
Svalbarðsstrandarhrepps um að ákvæði aðalskipulags takmarki ekki
heimild til búrekstrar og að starfsleyfi Græneggs ehf. samræmist gildandi
aðalskipulagi.
Halldór Jóhannesson vék af fundi undir þessum lið. Sveitarstjórn samþykkir að fela lögmanni og skipulagsfulltrúa sveitarfélagsins að vinna að þessu máli fyrir hönd sveitarstjórnar.
8. 1407200 – Fjárhagsáætlun 2016, fyrri umræða.
Farið yfir drög að fjárhagsáætlun og þeim vísað til seinni umræðu.
Fleira ekki gert.
Fundi slitið kl. 17:30
