Sveitarstjórn

1.

1701015 - Árni Geirhjörtur Jónsson, kt. 180553-5769, Kotabyggð 1, 601 Akureyri. sækir um nýtt rekstrarleyfi til sölu gistinga að Kotabyggð 1b, sumarbúst. fnr. 233-8964, 601 Akureyri.

Sveitarstjórn gerir ekki athugasemd við að umrætt rekstrarleyfi verði veitt.

2.

1701014 - Guðfinna Steingrímsdóttir, kt. 070457- 2619, Litli-Hvammur 2, 601 Akureyri, sækir um nýtt rekstrarleyfi til sölu gistingar að Litla-Hvammi 2, Svalbarðsstrandarhreppi, 601 Akureyri

Guðfinna Steingrímsdóttir vék af fundi undir þessum lið. Sveitarstjórn gerir ekki athugasemd við að umrætt rekstrarleyfi verði veitt.

3.

1701013 - 33kv háspennulögn, Rangárvellir - Hólsvirkjun, Fnjóskárdal

Sveitarstjórn gerir ekki athugasemd við fyrirhugaða staðsetningu jarðstrengs svo fremi sem RARIK fái samþykki allra landeigenda á lagnaleiðinni skv. meðfylgjandi uppdrætti.

4.

1701012 - Svæðisskipulagsnefnd Eyjafjarðar 2014-2018 fundargerð 1. fundar

Lagt fram til kynningar.

5.

1701011 - Hluthafafundur Flokkunar ehf - fundargerð

Lagt fram til kynningar.

6.

1701010 - Samstarf Sveitarfélaga, erindi frá Akureyrarbæ

Sveitarstjórn Svalbarðsstrandarhrepps tekur jákvætt í ósk Bæjarstjórnar Akureyrar um gerð fýsileikakönnunar varðandi mögulega sameiningu sveitarfélaga við Eyjafjörð. Sveitarstjórn tekur undir sjónarmið bæjarstjórnar um að mikilvægt sé að taka málefnalega umræðu um þessi mál á grundvelli væntanlegrar könnunar. Jafnframt skal undirstrika að vilji meirihluta íbúa sveitarfélagsins mun ávallt ráða för varðandi hugsanlegar viðræður um sameiningu sveitarfélaga. Sveitarstjórn er reiðubúin til viðræðna við Bæjarstjórn Akureyrar um mögulega framkvæmd og gerð slíkrar könnunar.

7.

1701016 - Reykjavíkurflugvöllur

Sveitarstjórn Svalbarðsstrandarhrepps leggur áherslu á nauðsyn þess að ávallt sé greið leið með sjúklinga að eina hátæknisjúkrahúsi landsins, sjúkrahúsi allra landsmanna, sem staðsett er í miðborg Reykjavíkur. Lokun neyðarbrautarinnar svo kölluðu á Reykjavíkurflugvelli hefur á undangengnum vikum leitt til þess að sjúkraflugvélar hafa ekki getað lent í Reykjavík né annars staðar á suðvestur horninu með alvarlega veika einstaklinga, sem hafa þurft á bráðnauðsynlegri umönnun að halda. Það er því ófrávíkjanleg krafa að neyðarbraut Reykjavíkurflugvallar verði opnuð aftur þar til önnur og jafngóð lausn finnst. Sveitarstjórn Svalbarðsstrandarhrepps skorar á Borgarstjórn Reykjavíkur, Samgönguráðherra, Umhverfis- og samgöngunefnd Alþingis að stuðla að því að svo geti orðið.