Sveitarstjórn

Almenn mál

1.

1703006 – Erindi frá Leó Árnasyni fyrir hönd Rover ehf. þar sem óskað er eftir því
að skráningu á Veigahalli 6 fáist breytt úr frístundalóð í íbúðarhúsalóð.

Breytingin er ekki í samræmi við meginreglu aðalskipulagsins um aðgreiningu frístundabyggðar frá íbúðabyggð. Jafnframt hefði breytingin víðtækt fordæmisgildi um búsetu á frístundasvæðum. Sveitarstjórn telur því ekki unnt að verða við erindinu. Varðandi nánari rökstuðning vísast í umsögn skipulagsráðgjafa.

2.

1703007 – Fundargerð nr. 293 frá stjórn Eyþings.

Lagt fram til kynningar.

3.

1703008 – Erindi frá Ósafli sf. sem óskar eftir tímabundnu stöðuleyfi fyrir
viðbótar svefngáma við núverandi vinnubúðir verktaka á tjaldstæði við
Hallland til 31. desember 2018.

Sveitarstjórn samþykkir framlagða tillögu skv. meðfylgjandi skipulagsuppdrætti.

4.

1703009 – Erindi frá Ósafli sf. sem óskar eftir framlengingu á tímabundnu leyfi
til að lagera efni á túni í eigu Halllands norðan við athafnasvæði
verktaka í Eyjafirði til 31. maí 2018. Svæðið er 7.900 fermetrar og
gerir verktaki ráð fyrir að lagera allt að 40.000 rúmmetra af efni
á svæðinu.

Sveitarstjórn samþykkir framlagða tillögu skv. meðfylgjandi skipulagsuppdrætti.

5.

1703010 – Laun kjörinna fulltrúa og nefnda hjá Svalbarðsstrandarhreppi.
Áður á dagskrá 57. fundar en umræðu þá frestað.

Sveitarstjórn samþykkir að halda viðmiðun launa sveitarstjórnar og nefnda við þingfararkaup en lækka prósentur og verða þær eftirfarandi:

Oddviti 8% fast og 1,6% fyrir hvern fund, aðrir aðalfulltrúar 4% fast og 1,6% fyrir hvern fund. Formenn nefnda 2,4% fyrir hvern fund, aðrir nefndarmenn 1,6% fyrir hvern fund. Hækkun launa sveitarstjórnar og nefnda verður með þessu móti um 15,5% í stað 44% hækkunar. Hækkunin tekur gildi 1. apríl n.k.

Fleira ekki gert. Fundi slitið kl. 16:30