Sveitarstjórn

1.

1709006 - Tillaga um breytingu á aðalskipulagi í landi Heiðarholts.

Eigandi Heiðarholts óskar eftir því að heimilt verði að byggja fleiri en tvö íbúðarhús neðan þjóðvegar 1 skv. meðfylgjandi skipulagsuppdrætti.

Guðfinna Steingrímsdóttir vék af fundi undir þessum lið. Sveitarstjórn samþykkir að fara í þessar breytingar á aðalskipulagi skv. meðfylgjandi tillögu og felur sveitarstjóra og skipulagsfulltrúa að hefja lögformlegt ferli.

2.

1709005 - Valsárhverfi- kostnaðaráætlun fyrir fyrsta áfanga unnin af Verkís.

Kostnaðaráætlun var lögð fram og eftir töluverðar umræður er það mat sveitarstjórnar að það sé of kostnaðarsamt að fara strax í allan fyrsta áfanga hverfisins. Sveitarstjórn ákveður að við fyrstu úthlutun lóða skuli einungis farið í hluta áfangans til að lágmarka áhættu sveitarsjóðs.

3.

1709008 - Gatnagerðargjöld á Svalbarðseyri.

Núverandi gjaldskrá verður óbreytt til áramóta 2017.

4.

1709009 - Viðauki við fjárhagsáætlun 2017

Sveitarstjórn hafði áður samþykkt styrk til Vináttu í verki - Landssöfnunar vegna náttúruhamfaranna á Grænlandi, að upphæð 100.000 kr. Jafnframt samþykkir sveitarstjórn fjárveitingu allt að 3.900.000 kr. vegna geymslugámaplans og hrægámaplans. Þessum kostnaði verður mætt með aukaframlagi sem nýverið barst frá Jöfnunarsjóði vegna tekna af skatti á fjármálafyrirtæki en ekki var gert ráð fyrir þeim greiðslum í fjárhagsáætlun. Nema þær um 4.000.000 kr.

5.

1709007 - Bréf dags. 28. ágúst frá Búfesti hsf.

Þar er fjallað um möguleika á samstarfi við sveitarfélög og almannasamtök um nýtt framboð íbúða.

Lagt fram til kynningar.

6.

1709004 - Bréf dags. 25. ágúst frá Skipulagsstofnun.

Stofnunin hefur komist að þeirri niðurstöðu að endurbygging á varphúsi í Sveinbjarnargerði og framkvæmdir þær sem því fylgja séu ekki háð mati á umhverfisáhrifum.

Lagt fram til kynningar.

7.

1709003 - Bréf dags. 30. ágúst frá Skipulagsstofnun.

Í bréfinu tilkynnir stofnunin sveitarfélaginu að hún geri ekki athugasemd við að sveitarstjórn birti auglýsingu um samþykkt deiliskipulags Valsárhverfis.

Lagt fram til kynningar.

8.

1709002 - Fundargerð 298. fundar stjórnar Eyþings.

Lagt fram til kynningar.

9.

1709001 - Fundargerð 852. fundar stjórnar Sambands íslenskra sveitarfélaga.

Lagt fram til kynningar.