4. fundur sveitarstjórnar Svalbarðsstrandarhrepps 2014-2018, haldinn í ráðhúsinu Svalbarðseyri, 9. ágúst 2018 kl. 16:00.
Fundinn sátu: Gestur J. Jensson oddviti, Anna Karen Úlfarsdóttir varaoddviti, Guðfinna Steingrímsdóttir aðalmaður, Árný Þóra Ágústsdóttir 1. Varamaður, Sigurður Halldórsson 3. varamaður og Fannar Freyr Magnússon skrifstofustjóri.
Fundargerð ritaði: Fannar Freyr Magnusson, Skrifstofustjori.
Dagskrá:
1.
|
Ráðning sveitarstjóra - Greint verður frá niðurstöður ráðningarferlisins - 1808001
|
|
Oddviti gerði grein fyrir niðurstöðu auglýsingar vegna ráðningar sveitarstjóra Svalbarðsstrandarhrepps.
Sveitarstjórn Svalbarðsstrandarhrepps leitaði til Hagvangs vegna auglýsinga- og ráðningarferlis nýs sveitarstjóra. Alls sóttu 12 einstaklingar um starfið en umsóknarfrestur rann út 14. júlí 2018. Sveitarstjórn auk 1. varamanns fór yfir allar umsóknir er bárust og á grunni vinnu Hagvangs voru fimm aðilar boðaðir í fyrstu viðtöl og því næst tveir í framhaldsviðtal. Sveitarstjórn samþykkir að ganga til samninga við Björgu Erlingsdóttur um stöðu sveitarstjóra Svalbarðsstrandarhrepps 2018-2022. Oddvita er falið að ganga frá ráðningarsamningi við Björgu Erlingsdóttur. Björg hefur starfað sem sviðsstjóri frístunda- og menningarsviðis hjá Grindavíkurbæ frá 2016. Áður starfaði hún m.a. sem sviðsstjóri miðlunarsviðs hjá Listasafni Íslands, og sem forstöðumaður Menningarmiðstöðvar Hornafjarðar um 7 ára skeið. Björg er uppalin á Akureyri. Hún lauk stúdentsprófi frá Menntaskólanum á Akureyri árið 1991, BA prófi í þjóðfræði frá HÍ árið 1997 og Cand.Mag gráðu í þjóðfræði og safnafræði árið 2001 frá Háskólanum í Lundi. Björg hefur einnig lokið diplómanámi í opinberri stjórnsýslu frá Háskóla Íslands. Björg hyggst flytja á Svalbarðseyri og gert er ráð fyrir að hún taki til starfa á haustmánuðum.
|
|
|
|
Fleira ekki gert. Fundi slitið kl. 16:15.