Sveitarstjórn

1.

Hallland deiliskipulag 2018 - 1811003

Athugasemdarfrestur vegna auglýsingar tillögu að deiliskipulagi íbúðarsvæðis ÍB15 í landi Halllands var til 20. ágúst síðastliðinn. Eitt erindi barst á auglýsingartíma tillögunnar.

Athugasemdafrestur vegna auglýsingar tillögu að deiliskipulagi íbúðarsvæðis ÍB15 í landi Halllands skv. 41. gr. skipulagslaga nr. 123/2010 var til 20. ágúst sl. og barst eitt erindi á auglýsingartíma tillögunnar.
Sendandi erindisins er Vegagerðin og afgreiðir sveitarstjórn einstakar athugasemdir sem fram eru settar á eftirfarandi hátt:

a) Vegagerðin gerir athugasemd við að tillaga að skipulagi hafi ekki verið stofnuninni til umsagnar á fyrri stigum skipulagsvinnu. Ennfremur gerir Vegagerðin alvarlega athugasemd við að framkvæmdarleyfi vegna framkvæmdarinnar hafi verið veitt þann 13. maí 2014 án samráðs við stofnunina.
Afgreiðsla sveitarstjórnar: Umrætt deiliskipulag tekur til lands í einkaeigu og var vinnsla skipulagsins á höndum landeiganda og hans ráðgjafa sbr. 2. mgr. 38. gr. skipulagslaga nr. 123/2010. Þegar unnið var að útfærslu vegtengingar hafði landeigandi munnlegt samráð við Vegagerðina. Skilningur landeiganda var sá að í því samráði fælist samþykki stofnunarinnar við vegtengingu eins og hún kom fram á skipulagsuppdrætti. Sveitarstjórn fellst á að bagalegt sé að samráð við Vegagerðina hafi ekki verið í því formi sem lýst er í gr. 40 í skipulagslögum nr. 123/2010 og leggur sveitarstjórn ríka áherslu á að samráð við umsagnaraðila við skipulagsgerð sé ávallt skjalfest og rekjanlegt.
b) Vegagerðin gerir athugasemd við að tengin nýrrar íbúðargötu við Veigastaðaveg sé á skipulagi sýnd of nærri þjóðvegi 1 og fer fram á að tengingu sé hliðrað til austurs um 20-30 m til austurs af tilliti til umferðaröryggis. Vegagerðin bendir á að skv. slysakorti Samgöngustofu séu umferðaróhöpp tíð á umræddum stað og að inn- og útakstur úr útsýnisstað handan þjóvegar rýri auk þess umferðaröryggi á þessum stað. Því sé ekki ásættanlegt að víkja frá kröfu um 50 m lágmarksfjarlægð frá gatnamótum að fyrstu vegtengingu.
Afgreiðsla sveitarstjórnar: Sveitarstjórn samþykkir fyrir sitt leyti að vegtengingu á skipulagsuppdrætti sé hliðrað 20-30 m upp eftir Veigastaðavegi svo fjarlægð frá gatnamótum Veigastaðavegar og þjóðvegar 1 sé fullnægjandi m.t.t. umferðaröryggis. Sveitarstjórn bendir á að um sé að ræða land í einkaeigu og því snúi það að landeiganda og Vegagerðinni að semja um flutning vegtengingar sem þegar er til staðar.

Sveitarstjórn felur skipulagsfulltrúa að láta vinna ofangreinda breytingu á skipulagsuppdrætti og senda skipulagstillögu að því búnu í yfirferð til Skipulagsstofnunar skv. 42. gr. skipulagslaga nr. 123/2010.

Guðfinna vék af fundi undir þessum lið

2.

Fyrirspurn frá Erni Smára varðandi staðsetninug á nýbygginu húss í landi Heiðarholts - 1810009

Hnitsetning á lóð í landi Heiðarholts

Fyrir fundinum ligggur fyrir erindi frá Erni Smára Kjartanssyni þar sem óskað er eftir samþykki sveitarstjórnar á lóðarmörkum og nafngift lóðarinnar Húsatúns. Erindinu fylgir hnitsettur uppdráttur frá Búgarði dags. 10 nóvember 2018.

Sveitarstjórn samþykkir erindið.

3.

Fjárhagsáætlun 2019 - 1810018

Seinni umræða á fjárhagsáætlun 2019

Seinni umræðu um fjárhagsáætlun er frestað til næsta fundar

4.

Reglur um umókn um skólavist utan lögheimilis - 1809005

Skólanefnd hefur skilað sínum athugasemdum við reglur um skólavist utan lögheimilis sem bíða samþykkis sveitarstjórnar.

Sveitarstjórn samþykkir reglurnar.

5.

Brunabót - Ágóðahlutagreiðsla 2018 - 1810027

Ágóðahlutagreiðsla 2018 frá Eignarhaldsfélagi Brunabótafélags Íslands. Hlutdeild sveitarfélagsins í Sameignarsjóði EBÍ er 0.361% og greiðsla ársins þann 30. október verður þá hlutfall af kr. 50 milljónum eða kr. 180.500.

Lagt fram til kynningar

6.

Varphænsnahús Sveinbjarnargerðir - úrskurður 46-2017 - 1811006

úrskurður Úrskurðarnefndar umhverfis- og auðlindamála lagður fyrir sveitarstjórn

Lagt fram til kynningar

7.

Umhverfis- og atvinnumálanefnd - 01 - 1810005F

Fundargerð fundar umhverfis- og atvinnumálanefndar nr. 01 lögð fram til samþykktar

Fundargerð umhverfis- og atvinnumálanefndar nr. 1 lögð fram til kynningar

8.

Fundargerð 313. fundar Eyþings - 2018 - 1811001

Fundargerð frá 313. fundi Eyþings 01.11.2018. Lögð fram til kynningar

Lagt fram til kynningar

9.

Flokkun Eyjafjörður ehf - aðalfundur og aukaaðalfundur 2018 - 1811004

Fundargerð framhaldsaðalfundar Flokkunar lögð fram til kynningar

Lagt fram til kynningar

10.

Fyrirspurn um landnýtingu í Helgafelli - 1810007

Sveitarstjórn tekur jákvætt í erindið en óskar eftir hnitsettri staðsetningu húsnæðisins, byggingarlýsingu á húsinu og nánari útlistun á starfseminni sem mun fara þar fram. Málinu er frestað til næsta fundar.