Sveitarstjórn

1.

Sólheimar 12 - 1909010

Málinu var frestað á síðasta fundi sveitarsjórnar. Teikningar vegna Sólheima 12 ásamt athugasemdum frá byggingarfulltrúa lagðar fram.

Hönnuður óskar eftir afstöðu sveitarstjórnar varðandi innra skipulags íbúðar sem fram kemur á uppdrætti.

Afstaða sveitarstjórnar er sú að deiliskipulag skuli halda sér og teikningar skuli vera í samræmi við deiliskipulagsskilmála.

2.

Geldingsá Vegaslóði inn á frístundavæð"i í Heiðarbyggð í landi Geldingsár - 1912006

Málinu var frestað á síðasta fundi sveitarstjórnar.
Erindi frá stjórn Félags frístundabyggðar í Heiðarbyggð og Ara Fossdal landeiganda. Ætlunin er að leggja nýjan vegslóða 700 metra inn í frístundabyggðina frá gatnamótum Geldingsár og Meyjarhóls. Landeigandi hefur skilað inn skriflegu samþykki.

Samþykki landeiganda liggur fyrir. Sveitarstjórn tekur jákvætt í erindið en bendir á að áformin kalli á breytingu á deili- og aðalskipulagi og samþykkir sveitarstjórn að ráðist sé í þær breytingar. Sveitarstjórn minnir á málshefjendur skuli bera kostnað af skipulagsbreytingum skv. gildandi gjaldskrá sveitarfélagsins. Enn fremur er bent á að teikningar skuli samræmast viðmiðum um hönnun gatna í íbúðar- og frístundahverfum í
Svalbarðsstrandarhreppi, samþykkt á 61. fundi Sveitarstjórnar Svalbarðsstrandarhrepps þann 11. febrúar 2014, sem finna má á heimasíðu Svalbarsstrandahrepps.

3.

2018 - Lágflugsmyndkort af Svalbarðseyri - 1812006

Samningur um kortasjá við Loftmyndir/map.is og getur sveitarfélagið þá sett inn sín eigin gögn í grunn Loftmynda/map.is. Embætti byggingarfulltrúa vinnur að skönnun og skráningu byggingarnefndateikninga í gagnasjá og verða þær tengdar ONE-system skjalakerfinu. Lagt er til að samningur verði gerður milli sveitarfélagsins og Loftmynda sem snýr að Kortasjá og almennu aðgengi að þeim uppslýsingum sem safnast um fasteignir í sveitarfélaginu.

Sveitarstjórn samþykkir að gengið verði til samninga við Loftmyndir/map.is um þjónustusamning um kortasjá. Sveitarstjóra er falið að ganga frá samningnum.

4.

Héraðsskjalasafn ársskýrsla 2017 og 2018 - 1912010

Ársskýrslur Héraðsskjalasafnsins 2017 og 2018

Lagt fram til kynningar.

5.

Fjölmiðlaskýrsla Svalbarðsstrandarhreppur 2019 - 2001001

Lagt fram til kynningar, samantekt á sýnileika Svalbarðsstrandarhrepps í fjölmiðlum 2019

Lagt fram til kynningar.

6.

Starfsmannakönnun - 2001002

Lagt fram til kynningar, samantekt á spurningakönnun sem lögð var fyrir starfsmenn Svalbarðsstrandarhrepps í desember 2019

Lagt fram til kynningar

7.

Sorphirða - lok samnings og útboð árið 2019 - 1903001

Málinu var frestað á síðasta fundi sveitarstjórnar. Tvö tilboð bárust í sorphirðu í Svalbarðsstrandarhreppi. Terra (81% af áætluðum kostnaði) og Íslenska Gámafélagið (107% af áætluðum kostnaði).

Sveitarstjórn samþykkir tilboð Terra og felur sveitarstjóra að ganga frá samningum.

9.

Þjónustusamningur björgunarsveitar og Svalbarðsstrandarhrepps - 2001003

Tekið fyrir með afbrigðum með samþykki fundarmanna. Björgunarsveitin Týr óskar eftir að gerður verði þjónustusamningur við sveitina.

Sveitarstjórn tekur vel í þessa ósk og felur sveitarstjóra að búa til drög af samning.

8.

Fundargerðir stjórnar Minjasafnsins á Akureyri, nr. 7, nr. 8, nr. 9 og nr. 10 - 1912009

Fundargerðir stjórnarfunda Minjasafnsins á Akureyri, nr. 7-10 lagðar fram til kynningar

Lagt fram til kynningar.