Sveitarstjórn

1.

Húsbygging við Bakkatún - 2005005

Óháður aðili, VERKÍS, fór yfir þau tilboð sem bárust vegna byggingar parhúss við Bakkatún 10.

Ragnar Bjarnason fulltrúi frá Verkís og Björn Davíðsson frá fasteignasölunni Hvammi voru gestir fundarins.

Ragnar fór yfir mat Verkís á innsendum tilboðum.

Sveitastjórn felur sveitarstjóra að óska frekari gagna frá tveimur tilboðsgjöfum, Sigurgeiri Svavarssyni og JS verktökum. Sveitarstjórn þakkar verktökum fyrir innsend tilboð.

2.

Staða fjármála 2020 - 2006006

Farið yfir stöðu fjármála eftir fyrstu sjö mánuði ársins 2020

Farið yfir fjármál sveitarfélagsins.

3.

Fjárhagsáætlun 2021 og þriggja ára áætlun - 2008009

Fjárhagsáætlun 2021-2024
Bréf frá Sambandi íslenskra sveitarfélaga, dags. 02. júlí 2020 um forsendur fyrir vinnslu fjárheimilda ársins 2021 og fjárhagsáætlun til þriggja ára lagt fram.

Lagt fram til kynningar.

4.

Samningur um skólaþjónustu við leik og grunnskóla, rannsóknir og úttektir - 2007001

Drög að samningi við Háskólann á AKureyri lögð fram til kynningar, rannsóknir og úttektir á starfsemi grunn- og leikskóla

Sveitarstjórn samþykkir framlagðan samning. Sveitarstjórn endurskoðar samninginn með skólastjórnendum að ári liðnu.

5.

Samstarfssamningur við Vinnuvernd - 1901014

Samningur við fyrirtækið Vinnuvernd kynntur. Fyrirtækið hefur með höndum trúnaðarlæknisþjónustu og annast aðra þjónustu á sviði vinnuverndar og heilsueflingar sé þess óskað.

Sveitarstjórn samþykkir þjónustusamning við Vinnuvernd.

6.

Fjallgirðing - 1407157

Unnið hefur verið að lagningu fjallgirðingar frá ristarhliði í Víkurskarði og suður eftir Vaðlaheiði.
Erindi frá ábúendum á Þórisstöðum lagt fram

Bréf frá ábúendum á Þórisstöðum, dagsettu 24.08.2020 lagt fram.

Fram kemur í bréfinu að landeigendur í/á Leifshúsum/Þórisstöðum samþykki, með skilyrðum, lagningu fjallsgirðingar um lönd Leifshúsa og Þórisstaða. Skilyrðin eru þau að sveitarfélagið beri kostnað af viðgerðum girðingar og girðing verði fjarlægð ef nýjar forsendur landnotkunar komi til.
Sveitarstjórn getur ekki fallist á ofangreind skilyrði og afþakkar þetta góða boð.

Sveitarstjórn ákveður að setja niður girðinguna frá Víkurskarði að vatnsverndarsvæði Norðurorku. Slóði hefur verið lagður sem nær suður fyrir Svenbjarnargerði og næsta sumar er gert ráð fyrir haldið verði áfram með girðinguna.

7.

Fráveitumál sumarhúsa í Vaðlaborgum og Veigahalli - 2008004

Rekstrarfélag í Vaðlaborgum og Veigahalli óskar eftir því að sveitarfélagið geri úttekt á fráveitumálum í hverfinu. Rekstrarfélagið telur það vera skyldu sveitarfélagsins að fylgja því eftir að frágangur á rotþróm og aðrennsli að þeim sé eins og lög og reglur kveða á um.

Sveitarstjóra er falið að afla gagna. Málinu er frestað.

8.

Saga dagblaðsins Dags á Akureyri - 2008007

Saga Dags á Akureyri 1918-1996. Hópur starfsmanna Dags vinnur að ritun sögu Dags. Sögu blaðsins þarf að varðveita og óskað er eftir stuðningi Svalbarðsstrandarhrepps við útgáfu bókarinnar.

Málinu er frestað til næsta fundar.

9.

2020 Fjárgöngur - gangnadagur - 2008006

Dagsetning gangnadags ákveðin

Gangnastjóri hefur lagt til að göngur verði laugardaginn 12. september. Sveitarstjórn samþykkir tillöguna.
Takmörkun um fjölda einstaklinga sem koma saman eiga við um réttir og því er mælst til þess að gestir komi ekki til réttarstarfa svo hægt sé að tryggja að við réttarstörf verði ekki of margir.
Sem áður er áhersla lögð á að hver og einn ber ábyrgð á eigin athöfnum. Leiðbeiningar um göngur og réttir er að finna á heimasíðu sveitarfélagsins. Þar er lögð áhersla á að þeir sem taka þátt í göngum og réttum hlaði niður smitrakningarappi almannavarna og áfengi verði ekki haft um hönd.

12.

Tjarnartún 4B - 1911005

Leigjandi hefur tilkynnt um flutning

Sveitarstjórn samþykkir að leigu sé sagt upp frá 1. október. Íbúðin verður sett á sölu hja fasteignasöluninni Hvammur. Sveitarstjori hefur umboð sveitarstjórnar til að skrifa undir og ganga frá sölu íbúðarinnar að Tjarnartúni 4b.

13.

Tjarnartún 6a - 1910018

Leigjandi óskar eftir framlengingu á leigusamningi

Sveitarstjorn samþykkir að framlengja leigu á íbúðinni Tjarnartúni 6B um eitt ár, til 15. desember 2021. Sveitarstjóra falið að ganga frá samningi.

11.

Skólanefnd - 15 - 2008001F

Fundarger skólanefndar frá 15 fundi lögð fram til samþykktar

Fundargerð skólanefndar fundur nr. 15 samþykkt

11.1

2008001 - Sameining skólaráðs Valsárskóla og foreldraráðs Álfaborgar

11.2

2008002 - Reglur Vinaborgar

11.3

2001004 - Sumarlokun leikskólans Álfaborgar 2019

11.4

2004015 - Skólastarf Valsárskóli og Álfaborg 2020 - 2021

11.5

2004014 - Starfsmannamál haust 2020 Valsárskóli og Álfaborg

11.6

2004012 - Barnvænt samfélag

10.

Hafnarsamlag Norðurlands fundargerð nr. 253 - 2008008

Fundargerð stjórnar Hafnarsamlags Norðurlands nr. 253, lagt fram til kynningar

Fundargerð lögð fram.