Sveitarstjórn

1.

Áhaldahús Svalbarðsstrandarhrepps - 2109006

Ósk um leigu á húsnæði Svalbarðsstrandarhrepps, Áhaldahúsi lögð fram.

Þóra Sigríður Torfadóttir og Heirún Beck Hermannsdóttir mættu á fundinn undir þessum lið til að gera frekari grein fyrir hugmyndum sínum um hárgreiðslustofu í Áhaldahúsi hreppsins.

Sveitarstjórn tekur vel í erindið og felur sveitarstjóra og umsjónarmann fasteigna að kanna ástand hússins og möguleika á iðnaðarstarfsemi hússins.

Anna Karen vék af fundi undir næsta lið (mál 2007002).

2.

AUTO ehf. Hreinsun svæðis - 2007002

Ábyrgðaraðilum AUTO ehf var gefið færi á að standa skil á frágangi svæðisins. Farið yfir stöðuna og næstu skref.

Sveitarstjórn óskar eftir því að Heilbrigðiseftirliti Norðurlands Eystra fjarlægi og taki í sínar vörslur bifreiðir og aðra lausamuni sem allra fyrst af lóð Auto ehf. að Setbergi L152937.

3.

Sveitarstjórn - lausn frá störfum - 2009010

Erindi frá Halldóri Jóhannessyni, þar sem hann óskar eftir lausn frá störfum sem fyrsti varamaður í sveitarstjórn Svalbarðsstrandarhrepps frá og með fundi sveitarstjórnar 20.09.2021.

Sveitarstjórn samþykkir erindi Halldórs Jóhannessonar um lausn frá störfum. Sveitarstjórn þakkar Halldóri kærlega fyrir gott samstarf og óskar honum velfarnaðar.

4.

2021 undirbúningur göngu og hjólastígs - 2012015

Samningar við landeigendur og Skógræktarfélag Eyfirðinga lagðir fram til samþykktar

Sveitarstjórn samþykkir framlagða samnninga og viðauka upp á 27.000.000 kr.
Anna Karen Úlfarsdóttir hættir sem verkefnastjóri verkefnisins í lok mánaðar og mun Þórunn Sif Harðardóttir taka við verkefnastjórninni.

5.

Göngu- og hjólastígur framkvæmd - 2109005

Umsókn um framkvæmdaleyfi vegna: fellingu trjáa, lagningar lagna og lagningar göngu- og hjólastígs í gegnum Vaðlareit, frá Vaðlaheiðargöngum og að Skógarböðum. Framkvæmdaleyfi nær yfir þann hluta leiðarinnar sem liggur í Svalbarðsstrandarhreppi.

Sveitarstjórn samþykkir framkvæmdarleyfi.

6.

Bakkatún 21 - 2009004

Kostnaðartölur vegna vegagerðar að Bakkatúni 23 lagðar fram.

Lóðarhafi á Bakkatúni 21 hafði óskað eftir að sveitarfélagið færi í gatnagerð að lóð nr. 23.

Sveitarstjórn synjar erindinu.

Framkvæmdir við gatnagerð að Bakkatúni 23 er áætlaðar við 3. áfanga upbyggingu Valsárhverfis og sveitarstjórn telur að framkvæmdir séu of kostnaðarsamar.

7.

Túnið í Meðalheimslandi - 2109001

Leigutaki óskar eftir því að leigusamningur verði framlengdur

Sveitastjórn samþykkir framlagðan samning og felur sveitarstjóra að skrifa undir.

8.

Tjarnartún 6a - 1910018

Sala fasteigna

Sveitarstjórn samþykkir að segja upp leigusamningi við leigutaka og setja Tjarnartún 6a á sölu. Sveitarstjóra er falið að setja íbúðina í söluferli.

Sveitarstjórn veitir sveitarstjóra fullt umboð til að skrifa undir kaupsamning þegar þar að kemur.

9.

Fjármálaráðstefna Sambands íslenskra sveitarfélaga 2021 - 2109003

Fjármálaráðstefna sveitarfélaga verður haldin dagana 7. - 8. október í Reykjavík

Lagt fram til kynningar.

10.

Sjóvarnargarður á Svalbarðseyri - 2109004

Vegagerð sækir um framkvæmdaleyfi vegna vinnu við sjóvarnargarða á Svalbarðseyri

Sveitarstjórn samþykkir útgáfu framkvæmdarleyfis.

11.

Aukaþing SSNE 1. október 2021 - 2109007

Aukaþing SSNE verður haldið föstudaginn 1. október.

Lagt fram til kynningar.

Gestur Jónmundur Jensson oddviti verður fulltrú sveitarstjórnar á fundinum.

14.

Kaldavatnslögn á Svalbarðseyri - 2109008

Tekið fyrir með afbrigðum. Norðurorka óskar eftir leyfi til að grafa fyrir nýrri lögn vegna breytingar á kaldavatnslögn innan Svalbarðseyrar og að Bakkatúni.

Tekið fyrir með afbrigðum með samþykki fundarmanna.

Sveitarstjórn gerir ekki athugasemdir við fyrirhugaða lagningu lagna samkvæmt meðfylgjandi teikningu/mynd.

15.

Geldingsá - landskipti Brekkusel - 2109009

Tekið fyrir með afbrigðum.

Tekið fyrir með afbrigðum með samþykki fundarmanna.

Sveitarstjórn óskar eftir upplýsingum um hver markmið skiptingarinnar séu og frestar afgreiðslu málsins.

12.

2020 Fundargerðir skipulags- og byggingarfulltrúa - 2011010

Fundargerð 28. afgreiðslufundar Skipulags- og byggingarfulltrúa Eyjafjarðar lögð fram til kynningar

Lagt fram til kynningar

13.

Fundargerðir stjórnar Sambands íslenskra sveitarfélaga 2021 - 2102002

Tekið fyrir með afbrigðum. Fundargerð 900. fundar stjórnar Sambands íslenskra sveitarfélaga lögð fram til kynningar

Tekið fyrir með afbrigðum með samþykki fundarmanna.

Lagt fram til kynningar.