Sveitarstjórn

1.

Húsnæðismál skóla Svalbarðsstrandarhrepps. - 2306011

Umræður um framtíðar skólahúsnæði Svalbarðsstrandarhrepps.

Sveitarstjórn samþykkir að hefja hönnun vegna mögulegrar stækkunar á leik- og grunnskóla Svalbarðsstrandarhrepps. Arkitektar frá VA vinnustofu arkitekta mættu á fundinn undir þessum lið er þeim falið að vinna hönnunartillögur.

2.

Geldingsá lóð - umsókn um byggingu ferðaþjónustuhúss - 2308007

Umsókn um byggingarleyfi fyrir þjónustuhús í landi Geldingsár.

Sveitarstjórn bendir á að nú standi yfir gerð rammahluta aðalskipulags vegna þróunar byggðar í Vaðlaheiði og ofangreindar lóðir séu innan þess svæðis sem sú vinna tekur til. Erindinu er vísað til vinnuhópssins sem sér um rammahluta aðalskipulags.

3.

Vaðlaborgir 1-6 - umsókn um framkvæmdaleyfi til að jafna vegstæði - 2309001

Vaðlaborgir umsókn um framkvæmdaleyfi til að jafna vegstæði.

Sveitarstjórn samþykkir umsókn um framkvæmdarleyfi með fyrirvara um skriflegt samþykki frá landeiganda.

4.

Kotabyggð 15 - beiðni um að breyta lóð úr frístundalóð í íbúðarhúsalóð - 2309002

Kotabyggð 15, beiðni um að breyta lóð úr frístundalóð í íbúðahúsalóð.

Með vísan til markmiðs um þróun Kotabyggðar úr frístundabyggð í íbúðarbyggð í kafla 4.4.2. greinargerðar gildandi aðalskipulags samþykkir sveitarstjórn að fram fari breyting á deiliskipulagi skv. 2. mgr. 43. gr. skipulagslaga nr. 123/2010. Sveitarstjórn samþykkir að fallið verði frá grenndarkynningu á grundvelli 3. mgr. 44. gr. sömu laga.

5.

Fjárhagsáætlun 2024-2027 - 2309003

Tekjuáætlun 2024 og forsendur launaáætlunar 2024 kynnt fyrir sveitarstjórn.

Tekjuáætlun og launaáætlun fyrir fjárhagsáætlun 2024 lagt fram til kynningar.

6.

Viðaukar 2023 - 2306003

Viðauki 2 við fjárhagsáætlun 2023-24 lagður fram til samþykktar sveitarstjórnar.

Lögð fram tillaga að viðauka 2 við fjárhagsáætlun ársins 2023.

Viðaukinn er hækkun á áætluðum tekjum um kr. 10.000 þús. Jafnframt er framkvæmdaráætlun 2023 hækkuð um kr. 1.500 þús.

Rekstrarniðurstaða er áætluð jákvæð um 23.274 þús.

Fyrirliggandi tillaga um viðauka 2 við fjárhagsáætlun ársins 2023 er samþykkt samhljóða.

7.

Bókasafn Svalbarðsstrandarhrepps - 2009005

Umræður um rekstur bókasafns Svalbarðsstrandarhrepps.

Sveitarstjórn frestar málinu til næsta fundar.

8.

Breytt fyrirkomulag forvarna vegna niðurskurðar - 2309004

Erindi frá Lögreglustjóranum á Norðurlandi eystra, breytt fyrirkomulag forvarna vegna niðurskurðar.

Sveitarstjórn Svalbarðsstrandarhrepps mótmælir niðurskurði á svo mikilvægri þjónustu sem löggæslumál og forvarnir eru.

9.

Fundargerðir stjórnar Norðurorku - 2202007

Fundargerð stjórnar Norðurorku nr 288 lögð fram til kynningar.

Fundargerð lögð fram til kynningar.

10.

Fundargerðir embættis skipulags- og byggingarfulltrúa - 2203006

Fundargerð embættis skipulags- og byggingarfulltrúa nr 59 lögð fram til kynningar.
Eftirfarandi mál var tekið fyrir er tengjast Svalbarðsstrandarhreppi.
Vaðlabrekka 8 - vinnustofa 2023 - 2308007
Rebekka Küehnis kt. 160776-3319, Vaðlabrekku 8 606 Akureyri, sækir um byggingarleyfi vegna nýbyggingar 33,7 fm vinnustofu á lóðinni Vaðlabrekku 8 í Svalbarðsstrandarhreppi. Erindinu fylgja uppdrættir frá Ágústi Hafsteinssyni hjá Form teiknistofu dags. 2023-07-25.
Byggingarfulltrúi samþykkir erindið.

Heiðarbyggð 35 - sumarhús 2023 - 2308003
Gísli Guðlaugsson kt. 221160-2239, Gnípuheiði 6 200 Kópavogi, sækir um byggingarleyfi vegna nýbyggingar 150 fm frístundahúss á lóðinni Heiðarbyggð 35 í Svalbarðsstrandarhreppi. Erindinu fylgja uppdrættir frá Sigurði Hallgrímssyni hjá Arkþing dags. 2023-08.
Byggingarfulltrúi samþykkir erindið.

Fundargerð lögð fram til kynningar.