Sveitarstjórn

1.

Vaðlabyggð 2 - beiðni um breytingu á deiliskipulagi - 2310004

Fyrir fundinum liggur beiðni um óverulega breytingu á deiliskipulagi Vaðlabyggðar í landi Veigastaða I. Fyrir hönd lóðarhafa Lúðvíks Þorsteinssonar og Ingu Maríu Árnadóttur óska M2 hús hönnun og ráð eftir leyfi skipulagsyfirvalda til að fullhanna og reis sérstæða bílageymslu á einni hæð með milli lofti.

Sveitastjórn telur að um óverulega breytingu á deiliskipulagi sé að ræða og vísar erindinu í grenndarkynningu skv. 2. mgr. 43. gr. skipulagslaga nr. 123/2010. Heimilt verður að stytta grenndarkynningartímabilið ef allir hagsmunaaðilar lýsa því yfir skriflega að ekki sé gerð athugasemd við áformin. Erindið telst samþykkt ef ekki berast andmæli á grenndarkynningartímabilinu.

2.

Deiliskipulag Svalbarðseyri, Eyrin - 2006001

Farið yfir tillögur að breyttu deiliskipulagi sem nær yfir nýtt athafnasvæði norðan Svalbarðseyrarvegar.

Oddvita og sveitarstjóra falið að ganga til samninga við eigendur Svalbarðs um kaup á spildu úr
Svalbarð Lóð (L152941).

Ólafur Rúnar Ólafsson vék af fundi undir þessum lið.

3.

Erindi til sveitarstjórnar - 2310007

Erindi frá Kjarnafæði Norðlenska hf.

Sveitarstjórn felur sveitarstjóra að boða fulltrúa Kjarnafæði-Norðlenska til fundar og jafnframt að fá ráðgjafa til að vinna úttekt á fráveitumálum á Svalbarðseyri.

4.

Svæðisskipulagsnefnd Eyjafjarðar - 1809014

Erindi frá Svæðisskipulagsnefnd Eyjafjarðar. Umræður um tilgang og endurskoðun svæðisskipulagsins.

Oddvita falið að koma sjónarmiðum sveitarstjórnar til nefndarinnar.

5.

Málefni landbúnaðar á Íslandi - 2310008

Bókun sveitarstjórnar Svalbarðsstrandarhrepps vegna alvarlegrar stöðu bænda og íslensk landbúnaðar, atvinnugreinar sem ætlað er að stuðla að fæðuöryggi þjóðarinnar og um leið matvælaöryggi með framleiðslu á heilnæmum matvælum.

Sveitarstjórn Svalbarðsstrandarhrepps lýsir þungum áhyggjum af stöðu bænda og íslensks landbúnaðar vegna mikilla kostnaðarhækkana á aðföngum og vegna íþyngjandi vaxtakostnaðar á skuldsettum búum.

Landbúnaður er stór atvinnugrein í sveitarfélaginu og mikilvægt að matvælaframleiðslu séu skapaðar öruggar rekstraraðstæður. Breytingar á reglugerðum og lagaumhverfi síðustu ára er lúta að aðbúnaði hefur knúið bændur til að fara í tugmilljóna fjárfestingar með tilheyrandi fjármagnskostnaði. Í núverandi vaxtaumhverfi er enginn hvati til nýliðunar sem er grafalvarleg staða. Sauðfjárbændur hafa jafnframt í áratugi þurft að glíma við erfið rekstrarskilyrði sem hefur leitt til mikillar fækkunar í þeirri starfsgrein.
Sveitarstjórn skorar á stjórnvöld að grípa þegar í stað til raunhæfra aðgerða gagnvart þeim rekstrarerfiðleikum sem bændur standa frammi fyrir svo ekki verði hrun í greininni. Skapa þarf landbúnaði öruggar rekstraraðstæður til framtíðar sem stuðlar að nýliðun í greininni til að matvælaframleiðsla eflist, þróist áfram og verði áfram ein af grunnstoðum fyrir fæðuöryggi þjóðarinnar.

6.

Fjárhagsáætlun 2024-2027 - 2309003

Lögð er fram, til fyrri umræðu, tillaga að fjárhagsáætlun Svalbarðsstrandarhrepps 2024, auk 4ra ára áætlun fyrir árin 2023-2026.

Sveitarstjórn vísar fjárhagsáætlun 2024 og 4ra ára áætlun 2024-2027 til seinni umræðu sem verður þriðjudaginn 28. nóvember nk.

7.

Flugklasinn 66N - 1407092

Skýrsla Flugklasans Air 66N lögð fram til kynningar.

Skýrsla lögð fram til kynningar.

8.

Hafnarsamlag fundargerðir - 2202008

Fundargerð stjórnar Hafnarsamlags Norðulands nr. 282 lögð fram til kynningar.

Fundargerð lögð fram til kynningar.

9.

Fundargerðir stjórnar Sambands íslenskra sveitarfélaga árið 2022 - 2201013

Fundargerð stjórnar Sambands íslenskra sveitarfélaga nr. 935 lögð fram til kynningar.

Fundargerð lögð fram til kynningar.

10.

Fundargerðir stjórnar Norðurorku - 2202007

Fundargerðir stjórnar Norðurorku nr 290 og 291 lagðar fram til kynningar.

Fundargerðir lagðar fram til kynningar.

11.

Beiðni um styrk vegna viðburðar - 2310009

Tekið fyrir með afbrigðum með samþykki allra fundarmanna.

Styrktarbeiðni frá skipuleggjendum konukvölds sem haldið verður í Valsárskóla 4. nóvember næstkomandi.

Skipuleggjendur konukvölds sem halda á 3.nóvember næstkomandi í Valsárskóla óska eftir styrk frá sveitarfélaginu vegna viðburðarins.

Sveitarstjórn samþykkir að styrkja viðburðinn með aðgangi að sal Valsárskóla.

12.

Fastanefndir Svalbarðsstrandarhrepps 2022-2026 - 2310010

Tekið fyrir með afbrigðum með samþykki allra fundarmanna.

Sveitarstjórn hefur ákveðið að fara í endurskoðun á fastanefndum sveitarfélagsins. Í því felst endurskoðun á erindisbréfum, samþykktum og hlutverkum hverrar nefndar.

13.

Sveitarstjórn - leyfi frá störfum - 2310011

Tekið fyrir með afbrigðum með samþykki allra fundarmanna.

Gestur Jónmundur Jensson oddviti Svalbarðsstrandarhrepps óskar eftir leyfi frá störfum af persónulegum ástæðum tímabundið frá 01.11.2023 - 31.01.2023.

Sveitarstjórn veitir umbeðið leyfi. Anna Karen Úlfarsdóttir gegnir stöðu oddvita á meðan á leyfi stendur. Jafnframt mun Inga Margrét Árnadóttir taka sæti sem fulltrúi í sveitarstjórn.