Sveitarstjórn

1.

Vaðlaborgir A L198869 - deiliskipulagsbreyting - 2502003

Á 147. fundi sveitarstjórnar þann 25. febrúar 2025 var samþykkt að gerð væri óveruleg breyting á gildandi deiliskipulagi sem vísað var í grenndarkynningu. Átta athugasemdir/samþykki bárust á grenndarkynningartímabili sem liggur nú fyrir fundi sveitarstjórnar.

Sveitarstjórn þakkar innsendar umsagnir og felur skipulagshönnuði að taka tillit til innkominna umsagna samkvæmt umræðum á fundi. Einnig felur sveitarstjórn skipulagsfulltrúa að fullnustu gildistökuna skipulagsins þegar endanlegir uppdrættir berast.

2.

Vaðlaborgir A - frístundabyggð - beiðni um breytingu á deilskipulagi - 2505012

Erindi frá Landslagi, f.h. landeiganda Árvegs ehf, þar sem óskað er eftir heimild Svalbarðsstrandarhrepps til að hefja vinnu við breytingu á deiliskipulagi sem felst í því að bæta við 5 lóðum fyrir frístundahús inni í skógarlundinum ofan núverandi lóða en fella út 4 óbyggðar lóðir efst á skipulagssvæðinu.

Sveitarstjórn samþykkir að gerð verði breyting á deiliskipulagi til samræmis við erindið.
Sveitarstjórn telur að um verulega breytingu sé að ræða og felur skipulagsfulltrúa að hefja skipulagsferlið skv. 1. mgr. 43. gr. skipulagslaga nr. 123/2010.
Einnig vill sveitarstjórn sérstaklega vekja athygli á að skv. Aðalskipulagi Svalbarðsstrandarhrepps þá skal við deiliskipulagningu íbúðarbyggðar og frístundabyggðar í sveitinni svo og við undirbúning að byggingu stakra húsa gera grein fyrir fráveitumálum í samræmi við lög og reglugerðir og þess gætt að rotþróm og síubeðum verði þannig fyrir komið að ekki valdi óþægindum eða skaða með lykt eða sigvatni. Á nýjum byggingarsvæðum skal leitast við að sameina fráveitu í stærri rotþrær.
Þetta er sagt í ljósi þess að samskonar fráveitukerfi þjónar núverandi frístundabyggð í Vaðlaborgum, þar sem alvarlegir ágallar hafa komið í ljós.

3.

Vaðlaborgir B - íbúðarbyggð - beiðni um heimild til að vinna deiliskipulag - 2505013

Erindi frá Landslagi, f.h. landeiganda Árvegs ehf, þar sem óskað er eftir heimild Svalbarðsstrandarhrepps til að hefja vinnu við deiliskipulag fyrir svæðið þar sem gert verður ráð fyrir 8-10 íbúðarhúsum, nánari upplýsingar í meðfylgjandi erindi.
Meðfylgjandi er einnig skipulagslýsing vegna vinnu við deiliskipulag sem óskað er eftir að verði tekin fyrir á sama fundi sveitarstjórnar og afgreidd þar í lögbundið ferli.

Sveitarstjórn samþykkir að umsækjanda verði veitt heimild til að vinna tillögu að deiliskipulagi skv. 2. mgr. 38. gr. skipulagslaga nr. 123/2010. Jafnfram samþykkir sveitarstjórn fyrirliggjandi skipulagslýsingu og vísar henni í kynningarferli skv. 3. mgr. 40. gr. skipulagslaga nr. 123/2010.
Einnig vill sveitarstjórn ítreka að í deiliskipulagi íbúðarbyggðar og frístundabyggðar í sveitinni svo og við undirbúning að byggingu stakra húsa skal gera grein fyrir fráveitumálum í samræmi við lög og reglugerðir og þess gætt að rotþróm og síubeðum verði þannig fyrir komið að ekki valdi óþægindum eða skaða með lykt eða sigvatni. Á nýjum byggingarsvæðum skal leitast við að sameina fráveitu í stærri rotþrær.

4.

Lækjartún 10 L239175 - Umsókn um breytingu á íbúðafjölda - 2504011

Erindi er frestað var á 151. fundi sveitarstjórnar, frá lóðarhafa, sem óskar eftir breytingu á íbúðafjölda í Lækjartúni 10. Sótt er um að breyta einbýlishúsalóð í parhúsalóð.

Sveitarstjórn hafnar erindinu.

5.

Þórsmörk 3 - Umsögn vegna umsóknar fyrir tjaldsvæði - 2505006

Erindi frá lóðarhafa, um starfsleyfi fyrir tjaldsvæði vegna sölu á gistingu í fjórum húsbílum í landi Þórsmerkur 3 L222405 á Svalbarðsströnd. Bílarnir eru tengdir við vatns- og fráveitu. Aðstaðan uppfyllir þær kröfur sem HNE ber að gera til starfsemi af þessu tagi.

Sveitarstjórn samþykkir erindið enda sé umsóknin í samræmi við gildandi ákvæði aðalskipulags Svalbarðsstrandarhrepps er varða nýtingu landbúnaðarlands L1 skv. Kafla 4.3.2.

6.

Heiðarsól - Framkvæmdaleyfi fyrir vegi - 2308006

Erindi frá landeiganda, þar sem óskað er eftir að framkvæmdaleyfi vegna vegagerðar við Heiðarsól, samkvæmt gildandi deiliskipulagi Sólbergs í Svalbarðsstrandarhreppi. Meðfylgjandi eru uppfærð gögn varðandi erindið.

Sveitarstjórn samþykkir útgáfu framkvæmdaleyfis fyrir sitt leyti og felur skipulagsfulltrúa að gefa út leyfið þegar endanleg gögn hafa borist.

7.

Geldingsá lóð L198602 - umsókn um breytta notkun lóðar - 2505014

Erindi frá Gunnhildi Ingólfsdóttur, ósk um að breyta notkun lóðar úr frístundalóð í íbúðarlóð.

Sveitarstjórn samþykkir erindið og felur skipulagsfulltrúa að fullnusta skráninguna.

8.

Kosning oddvita og varaoddvita - 2203012

2025 Kosning oddvita og varaoddvita skal samkvæmt samþykktum um stjórn og fundarsköp Svalbarðsstrandarhrepps fara fram árlega. Skulu þeir kjörnir til eins árs í senn, að öðrum kosti skal kjörtímabil þeirra vera hið sama og sveitarstjórnar.

Anna Karen Úlfarsdóttir var kjörinn oddviti til eins árs.
Gestur Jónmundur Jensson var kjörinn varaoddviti til eins árs.

9.

Fyrirspurn til sveitarstjórnar Svalbarðsstrandarhrepps varðandi útilistaverk - 2505008

Erindi frá Þórhalli Ingasyni, ósk um að sveitarfélagið þiggji að gjöf og til varðveislu útilistaverk sem er á teikniborðinu og heitir Vaðlaheiðarvegamálaverkfærageymslulyklakippuhringur. Óska staðsetning er útsýnisplanið við þjóðveg númer 1 gegnt Akureyri neðan Halllands. Verkið og nafngiftin hafa skírskotun í
nær hundrað ára sögu og kveðskap sem með seinni tíma viðaukum telst með lengstu ef ekki lengsta orð íslenskrar tungu í dag.

Sveitarstjórn tekur vel í erindið og felur sveitarstjóra að afla nánari upplýsinga. Sveitarstjórn bendir á að óskastaðsetning er ekki á forræði sveitarfélagsins.

10.

Erindi til sveitarstjórnar vegna úthlutunar lóða - 2505015

Erindi frá Helga Viðari Tryggvasyni og Önja Müller, vegna úthlutunar lóða Bakkatúns 23 og Lækjatúns 10.

Sveitarstjórn frestar málinu og felur sveitarstjóra að vinna málið áfram.

11.

Flugklasinn 66N - 1407092

Erindi frá Flugklasanum Air 66, áskorun til stjórnvalda.

Sveitarstjórn samþykkir að taka þátt í áskorun/erindi til stjórnvalda vegna framtíðarstefnu og uppbyggingar Akureyrarflugvallar.

12.

Upprekstur á afrétt - 2105003

Upprekstur á afrétt 2025.

Sveitarstjórn samþykkir að í sumar verður heimilt að sleppa sauðfé í Vaðlaheiði frá og með 12. júní og stórgripum frá og með 3. júlí. Búfjáreigendur eru beðnir að gæta að ástandi gróðurs í heiðinni áður en þeir sleppa fé sínu og fresta upprekstri ef ástæða er til.
Eigendur stórgripa eru minntir á það að stórgripum skal smalað fyrir lok október.
Einnig skal á það minnt að ekki má leyfa utansveitarmönnum að nota ógirt heimalönd eða afrétt til upprekstrar nema að fenginni heimild sveitarstjórnar, sbr. ákvæði 7. gr. fjallskilasamþykktar.

Sveitarstjórn Svalbarðsstrandarhrepps minnir landeigendur á ábyrgð þeirra varðandi viðhald girðinga. Landeigendur skulu hafa lokið viðgerðum á fjallsgirðingunni þannig að hún sé fjárheld áður en fé er sleppt í heiðina þ.e. fyrir 11. júní. Mjög mikilvægt er að fjallsgirðingunni, og þeim girðingum sem ætlað er að halda búfé í beitarhólfum, sé vel við haldið.
Sveitarstjórn minnir jafnframt á að lausaganga búfjár er bönnuð á vegstæðum þjóðbrauta innan fjallgirðinga í Svalbarðsstrandarhreppi. Búfjáreigendum ber að halda búfé sínu innan girðinga, þannig að það komist ekki í annarra manna lönd eða út á vegsvæði.

13.

80. ára afmælisráðstefna 11. júní 2025. - 2505009

Erindi frá Sambandi ísl. sveitarfélaga, 80. ára afmælisráðstefna, 11. júní 2025.

Erindi lagt fram.

14.

Fundargerðir embættis skipulags- og byggingarfulltrúa - 2203006

Fundargerðir embættis skipulags- og byggingarfulltrúa nr. 93, 94 og 95 lagðar fram til kynningar.
Eftirfarandi mál var tekið fyrir tengt Svalbarðsstrandarreppi.

Leifshús - Breyting og viðbygging hlöðu og fjárhúss - 2504017
Erindi dagsett 09.04.2025 þar sem Brynjólfur Árnason f.h. Stefáns Tryggvasonar sækir
um byggingarleyfi vegna breytinga hlöðu í listsmiðju á lóðinni Leifshús,
Svalbarðsstrandarhreppi. Erindinu fylgja uppdrættir frá Brynjólfi Árnasyni.
Skipulags- og byggingarfulltrúi samþykkir erindið.

Svalbarðseyrarvegur 7b (Nóatún) L153012 - Umsókn um niðurrif - 2505028
Erindi dagsett. 20.05.2025 þar sem Ásgeir Högnason f.h. Gvendar á Eyrinni ehf. sækir um leyfi fyrir niðurrifi á einbýlishúsi á lóðinni Svalbarðseyrarvegi 7b (Nóatún), Svalbarðsstrandarhreppi.
Skipulags- og byggingarfulltrúi samþykkir niðurrifið með þeim skilyrðum að öll ummerki byggingarinnar verði fjarlægð.
Niðurrifið verður tilkynnt til Húsnæðis- og mannvirkjastofnunar eftir að úttekt byggingareftirlits hefur farið fram við verklok skv. 16. gr. Mannvirkjalaga.

Heiðarbyggð 25 L204849 - Frístundarhús - 2505011
Erindi dagsett 03.05.2025 þar sem Vigfús Halldórsson f.h. Árholt ehf sækir um byggingaráform og byggingarleyfi fyrir frístundarhúsi á lóðinni Heiðarbyggð 25, Svalbarðsstrandarhreppi. Erindinu fylgja uppdrættir frá Vigfúsi Halldórssyni.
Skipulags- og byggingarfulltrúi samþykkir byggingaráformin.

Fundargerðir lagðar fram til kynningar.

15.

Fundargerðir stjórnar Sambands íslenskra sveitarfélaga árið 2022 - 2201013

Fundargerðir stjórnar sambands íslenskra sveitarfélaga nr. 978 og 979 lagðar fram til kynningar.

Fundargerðir lagðar fram til kynningar.

16.

Hafnarsamlag fundargerðir - 2202008

Fundargerðir stjórnar Hafnarsamlags Norðurlands nr. 295, 296 og 297 lagðar fram til kynningar.

Fundargerðir lagðar fram til kynningar.

17.

Fundargerð fulltrúaráðsfundar 19.03.2025 - 2504007

Fundargerð fulltrúaráðs EBÍ og nýjar samþykktir lagðar fram til kynningar.

Fundargerð lögð fram.

18.

Fundargerðir stjórnar Norðurorku - 2202007

Fundargerð stjórnar Norðurorku nr. 310 lögð fram til kynningar.

Fundargerð lögð fram til kynningar.

19.

Fundargerðir stjórnar SSNE - 2208013

Fundargerð stjórnar SSNE nr.73 lögð fram til kynningar.

Fundargerð lögð fram til kynningar.

20.

Þinggerð ársþings SSNE, 2025 - 2505010

Þinggerð ársþings SSNE 2025 lögð fram til kynningar.

Þinggerð lögð fram til kynningar.