Fundargerð 5. fundar Umhverfisnefndar
Miðvikudagskvöldið 4. júlí 2007 klukkan 21:00 í Ráðhúsinu
Mættir eru Starri, Leifur og Helga ásamt sveitarstjóra.
1. Tiltektardagurinn 16. júní - framhald
Umhverfisnefnd telur í ljósi reynslunnar að ekki sé þörf á að bjóða upp á almennan hreinsunardag en frekar að hvetja til ruslatínslu/hreinsunnar. Lagt er til að umhverfisnefnd sendi ábendingu í lok maí á íbúa sveitarfélagsins og að boðið verði árlega upp á brotajárnssöfnun.
Nefndin leggur til að fylgt verði eftir ábendingum heilbrigðisfulltrúa og gripið til aðgerða. Einnig er æskilegt að sveitarfélagið móti stefnu er varðar stöðuleyfi gáma.
2. Utanvegaakstur í Vaðlaheiði
Nefndin lýsir yfir áhyggjum vegan aukins utanvegaaksturs vélhjóla í Vaðlaheiði og leggur til að komið verði upp skiltum er greini frá lausagöngu búfjár sem og að akstur utanvega sé ólöglegur. Staðsetning skilta gæti verið við ristarhlið sunnan Geldingsárbrúar á Vaðlaheiðarvegi.
3. Eyðing njóla og kerfils
Farið yfir stöðu mála.
Önnur mál voru engin.
Fundi slitið 22:40
Fundargerð ritaði Helga Kvam.