Atvinnu- og umhverfisnefnd

1.

Umhverfisstefna - stefnumótun sveitarfélagsins í umhverfismálum - 1811011

Tillaga að útliti Umhverfisstefnu kynnt

Smávægilegar lagfæringar verða gerðar og senda fundarmönnum. Heildar útlit og gerð samþykkt.

2.

Sveitarfélögin og heimsmarkimiðin - 1901028

Bréf frá forsætisráðuneytinu kynnt þar sem sveitarfélög eru hvött til þess að horfa til markmiða Sameinuðu þjóðanna um sjálfbærni

Umhverfis- og atvinnumálanefnd skorar á forsætisráðuneytið að bjóða uppá fjarfund um heimsmarkmið Sameinuðuþjóðanna og gera þannig sveitarstjórnarfólki um allt land mögulegt að fylgjast með umræðunni og vera þátttakendur frá upphafi umræðunnar. Sveitarstjóra falið að senda áskorunina til forsætisráðuneytisins.

3.

Norðurstrandarleið - Arctic Coast Way - 1901012

Fulltrúi Markaðsstofu Norðurlands kemur á fundinn og kynnir þau verkefni sem verið er að vinna að innan Markaðsstofunnar.

Arnheiður, fulltrúi Markaðsstofu Norðurlands heimsótti nefndina, fór yfir þau verkefni sem verið er að vinna að og kynnti Norðurstrandaleiðina sérstaklega. Ákveðið að fundað verði með Markaðsstofunni og fulltrúum Grýtubakkahrepps um merkingar.

4.

Hjólreiða og göngustígur - 1609009

Næstu skref rædd

Björg fór yfir hugmyndir að samstarfi þeirra aðila sem eru að huga að framkvæmdum í sunnanverðu sveitarfélaginu.

5.

Spurningakönnun - sorphirða - 1902001

Spurningakönnun meðal íbúa um sorphirðu, flokkun og þá þjónustu sem í boði er

Nefndin felur formanni og sveitarstjóra að koma með tillögur að spurningum og leggja fyrir nefndina á næsta fundi.

6.

Gámasvæðið og umgengni um það - 1610103

Farið yfir hugmyndir að merkingum á svæðinu

Farið yfir stöðu mála. Sveitarstjóra falið að leita tilboða í gerð skilta fyrir gámasvæðið. Nefndin leggur til að athugað sé hvort leyfilegt sé að streymt verði frá gámasvæðinu og á heimasíðuna og leggur til að settur verði upp skjár í Ráðhúsinu með beinni útsendingu frá Gámasvæðinu.

7.

Atvinnumál - 1902002

Atvinnumál útfrá hugmyndum um fiskeldi við Eyjafjörð

Sagt frá fundi Atvinnuþróunarfélagsins um laxeldi í Eyjafirði. Fundurinn var vel sóttur, fulltrúar frá sveitarstjórn og umhverfis- og atvinnumálanefnd sóttu fundinn þar sem fræðimenn fóru yfir áhrif fiskeldis, áskoranir og tækifæri.

8.

Umhverjfismál - fræðsla - 1902003

Umhverfisfræðsla í Valsárskóla kynnt

Bréf frá Ingu Sigrúnu skólastjóra Valsárskóla kynnt. Þar kemur fram að engin sérstök áhersla er á fræðslu í umhverfismálum innan skólans en nemendur og starfmenn flokki rusl, gróðursetji og hafi tekið nærumhverfið fjöruna í fóstur og sjái um að hreinsa hana.