Umhverfis & Atvinnumálanefnd

1.

MAST eftirlitsaðili frumframleiðslu - 2008010

MAST hefur m.a. eftirlit með frumfraleiðslu búfjárafurða, kjötvinnslu og mjólkurbúum á vegum heilbrigðiseftirlits sveitarfélaga. Fulltrúi frá MAST kemur á fund nefndarinnar og kynnir starfsemi MAST

Sigurbjörg Bergsdóttir eftirlitsdýralæknir Norðausturumdæmis MAST mætir á fundinn. Sigurbjörg fer yfir hlutverk og verkefni MAST þegar kemur að eftirliti með dýrahaldi og umhverfismálum. Það sem snýr að nærumhverfi dýranna snýr að MAST.

Íbúar geta sent tilkynningar inn til MAST og Heilbrigðiseftirlits, umhverfis- og atvinnumálanefnd tekur við skriflegum erindum og vísar áfram til MAST eða Heilbrigðiseftirlits.

Samþykkt

2.

Aðgangsstýring að gámasvæði - 1910003

Farið yfir stöðu mála

Hlið er komið upp á gámasvæðinu á Svalbarðseyri. Grenndargámasvæði er í vinnslu og skilti verða komin upp í lok september. Aðgangsstýring verður að svæðinu. Íbúar fá aðgang að gámasvæðinu og hliðinu í gegnum snjallsíma. Sótt verður um aðgang á netfangið postur@svalbardsstrond.is. Í undantekningartilvikum verður hægt að fá aðgangshnapp en greiða þarf tryggingargjald. Nefndin vinnur að gerð umgengnisreglna varðandi gámasvæðið og verða þær aðgengilegar á heimasíðu sveitarfélagsins.

Samþykkt

3.

Fjárhagsáætlun 2021 og þriggja ára áætlun - 2008009

Vinnuáætlun sveitarstjórnar um fjárhagsáætlun lögð fram til kynningar. Nefndin fer yfir stöðu verkefna sem ráðist var í 2020 og tillögur að verkefnum ársins 2021.

Farið yfir þau verkefni sem unnin hafa verið fram til þessa. Gert er ráð fyrir að þau verkefni sem eftir á að klára síðastliðið sumar verði kláruð á næsta ári. Nefndin leggur fram verkefnalista á næsta fundi.

Samþykkt

4.

Áskorun til umhverfis- og atvinnumálanefndar - 1905011

Óskað er eftir endurskoðun á svari umhverfis- og atvinnumálanefndar, frá 7. fundi umhverfis og atvinnumálanefndar, 21. maí 2019

Nefndin ítrekar fyrri bókun frá 7. fundi, 21. maí 2019.
Umhverfis- og atvinnumálanefnd bendir íbúum og rekstraraðilum á umhverfisstefnu sveitarfélagsins en þar er lögð áhersla á að "Svalbarðsströnd er landbúnaðarsvæði og bændur nýta búfjáráburð á tún sín, einnig er matvinnslufyrirtæki á Svalbarðseyri sem sömuleiðis hefur áhrif á nærumhverfi sitt.
Ferðaþjónusta er vaxandi í sveitarfélaginu auk þess sem margskonar atvinnufyrirtæki eru í sveitarfélaginu, mikilvægt er að rekstaraðilar sýni nærumhverfi sínu tillitsemi." Í umhverfisstefnunni kemur ennfremur fram eftirfarandi:

"Vandað verði til nýbygginga, útlits og umhverfis og viðhaldi eldri bygginga sinnt
svo hvorki sé til lýtis né hætta stafi af, þannig verði sjónræn áhrif vanhirtra
bygginga, bifreiða, véla og tækja lágmörkuð."
Umhverfisstefna er leiðbeinandi og má finna á heimasíðu sveitarfélagsins.
Nefndin bendir á að MAST og Heilbrigðiseftirlitið taka við ábendingum, MAST við ábendingum sem varða dýrahald og Heilbrigðiseftirlit við ábendingum sem varða umhverfismál.

Samþykkt

5.

Vinnuskóli 2020 - 2002001

Farið yfir vinnu Vinnuskólans 2020

Vinna vinnuskólans gekk vel í sumar, sláttur í görðum gekk vel. Nefndin er ánægð með störf vinnuskólans þetta sumarið.

Samþykkt

6.

Ítrekuð brot gegn skilyrðum starfsleyfis - 1105018

Farið yfir stöðu mála

AUTO ehf. hefur ekki endurnýjað starfsleyfi. Fundað hefur verið með rekstraraðila, sveitarstjóra og fulltrúa Heilbrigðiseftirlits. Rekstraraðili hefur frest til 20. September til þess hreinsa svæði vestan við athafnasvæðið, norðan við og heimreið. Heilbrigðiseftirlit heldur utanum málið, sveitarfélagið stendur straum af kostnaði ef af hlýst.

Samþykkt

7.

Gámasvæðið og umgengni um það - 1610103

Teikningar af skiltum á gámasvæði lagðar fram

Farið yfir skiltin, smávægilegar lagfæringar eru eftir. Gert er ráð fyrir að skilti verði komin upp í lok September.

Samþykkt