Umhverfis & Atvinnumálanefnd

1.

Umhverfisdagur 2023 - 2303003

Farið yfir Umhverfisdaginn sem haldinn var 13. maí síðastliðinn.

Umhverfisdagurinn gekk vel og var Þjóðvegur 1 ásamt Veigastaðaveg genginn og rusl hreinsað meðfram veginum 13. maí síðastliðinn. Kringum 20 manns mættu og stóðu sig frábærlega í hreinsunninni. Íbúar og landeigendur eru hvattir til að halda sínu landi hreinu allan ársins hring.

Umhverfis- og atvinnumálanefndin þakkar þeim sem mættu kærlega fyrir að koma og búa til frábæra stemningu bæði í ruslatínslunni og grillveislunni eftir á.

Samþykkt

2.

Atvinnuhúsnæði - 2303004

Niðurstöður kynntar úr könnun sem Umhverfis- og atvinnumálanefnd stóð fyrir í maí 2023

Andri Þórhallsson kynnti niðurstöður könnunar um atvinnuhúsnæði fyrir nefndina. Niðurstöður benda til þess að það sárvanti lóðir/bil/íbúðar-og atvinnuhúsnæði í Svalbarðsstrandarhreppi. Umhverfis- og atvinnumálanefnd leggur til að niðurstöður þessarar könnunar verði hafðar til viðmiðunar í komandi skipulagsvinnu. Nefndin vill benda á að 43% svarenda myndi nýta húsnæðið undir rekstur og því æskilegt að hluti húsnæðis henti til slíks.

Samþykkt

3.

Fjárhagsáætlun 2024 - 2306007

Farið yfir gjaldskrá og verkefni fyrir fjárhagsáætlun 2024.

Lagt fram til kynningar.

Farið yfir fjárhagsáætlunarvinnu sem hefst í haust.

Samþykkt

4.

Landnýting við Tungutjörn - 2306006

Erindi frá Hörpu Barkardóttur um framtíðar nýtingu Tungutjarnar

Umhverfis- og atvinnumálanefnd þakkar kærlega fyrir innsent erindi og tekur undir með Hörpu um þá hugmynd að efla fræðslu og kynningu um vistkerfi Tungutjarnar. Umhverfis- og atvinnumálanefnd skorar á sveitarstjórn að breyta ákvæði Aðalskipulags í samræmi við ábendingar Hörpu.

Samþykkt

5.

Áskorun umhverfis-og atvinnumálanefndar - 2306008

Í ljósi umræðu um flokkun í fjölmiðlum langar umhverfis- og atvinnumálanefnd að koma fram með eftirfarandi áskorun.

Umhverfis- og atvinnumálanefnd skorar á sveitarstjórn að bregðast við sláandi fréttum um förgun drykkjarumbúða og fá með sér aðildafélög SSNE til þess að þrýsta á endurvinnsluaðila að auka gagnsæi í endurvinnsluferlinu og endurheimta traust íbúa.

Samþykkt

6.

Umhverfisviðurkenning Svalbarðsstrandarhrepps - 2301002

Tekið fyrir með afbrigðum með samþykki allra fundarmanna.

Umhverfis- og atvinnumálanefnd vill minna íbúa á að umhverfisviðurkenning 2023 verður afhent næsta haust. Nefndin hvetur íbúa að hafa augun opin fyrir því sem fegrar nærumhverfið og senda inn tilnefningar til nefndarinnar.

Samþykkt