Sumarnámskeið 2022
Sumarnámskeið 2022
Skátanámskeið I og II
Bryndís ofurskáti mætir aftur og kennir krökkunum spjara sig í harðri náttúru Svalbarðseyrar. Námskeiðið fer fram úti og því mikilvægt að klæða sig eftir veðri.
- Aldur 7-13 ára
- Skátanámskeið I 14.-16. júní
- Skátanámskeið II 25.-27 júlí
- Tími: 13:00-16:00
- Staður: Valsárskóli
- Verð: 8.000 kr.
- Umsjónarmaður: Bryndís Hafþórsdóttir
SKRÁNING Á SKÁTANÁMSKEIÐ
Íþróttanámskeið Æskunnar
Námskeið á vegum Ungmennafélagsins ÆSKUNNAR þar sem krakkar á aldrinum 7 – 13 ára koma saman í leik, fræðast um íþróttir og fá að prófa ýmsar greinar.
- Aldur 7-13 ára
- Dagsetning: 21.-23. júní
- Tími: 10:00-13:00
- Staður: Æskuvöllur
- Verð: 8.000 kr.
- Umsjónarmaður: Jóhanna Þorgilsdóttir
SKRÁNING Á ÍÞRÓTTANÁMSKEIÐ ÆSKUNNAR (Aflýst)
Smíðanámskeið og veiði
Hann Gísli okkar ætlar að vera með smíðanámskeið fyrir krakka á aldrinum 7 – 13 ára þar sem farið verður í hin ýmsu verkefni sem snúa að viðhaldi og smíðum.
Auk þess að smíða verður farið í veiðiferð þar sem rennt verður fyrir silungi eða hverju sem kann að bíta á.
- Aldur 7-13 ára
- Dagsetning: 3.-5. ágúst
- Tími: 13:00-16:00
- Staður: Valsárskóli
- Verð: 8.000 kr.
- Umsjónarmaður: Gísli Arnarsson
SKRÁNING Á SMÍÐANÁMSKEIÐ
Sumarsirkus Húlladúllunar og Húllahringjasmiðja
Húlladúlla mun mæta aftur með sumarsirkusinn sinn og húllahringjasmiðjuna sína.
Námslýsing:
Nemendur kynnast töfrum sirkuslistanna og spreyta sig á fjölbreyttum sirkusáhöldum og sirkusfimleikum. Í lok námskeiðsins bjóðum við fjölskyldu og vinum til sannkallaðrar sirkusveislu þar sem við leikum listir okkar og bjóðum svo gestum okkar að spreyta sig!
Við munum húlla húllahringjum, læra loftfimleika í silki, djöggla slæðum, boltum og hringjum, dansa með fimleikaborða, leika okkur að blómaprikum, kínverskum jójóum og sveiflusekkjum, læra sirkusfimleika og akró, láta eins og alvöru trúðar, vagga á veltibrettum, halda jafnvægi á töfrafjöðrum og leika kúnstir með kínverska snúningsdiska.
Áhersla er lögð á sköpunargleði, samvinnu og umhyggju fyrir félögum okkar og það að þátttakendur uppgötvi og njóti eigin styrkleika. Sirkuslistirnar styrkja líkamlega getu, jafnvægi og liðleika en þroska líka einbeitingu, styrkja sjálfsmynd og kveikja í ímyndunarafli og sköpunargleði.
Húlladúllan er sjálfstætt starfandi sirkuslistakona, búsett á Ólafsfirði. Hún er lærður sirkuskennari og hefur kennt og sýnt með Sirkus Íslands og breska sirkusnum Let’s Circus auk þess að koma fram á ýmsum viðburðum á alþjóðlegri grundu.
Sumarsirkus
- Aldur 6+
- Dagsetning: 8.-12. ágúst
- Tími: 09:00-12:00 6-9 ára
Tími 13:00-16:00 10 ára og eldri - Staður: Valsárskóli
- Verð: 20.000 kr. 10% fjölskylduafsláttur
- Umsjónarmaður: Húlladúllan Unnur Máney
SKRÁNING Í SUMARSIRKUS
Húllahringjasmiðja
- Aldur: allir velkomnir
- Dagsetning: 10. ágúst
- Tími: 17:00
- Staður: Valsárskóli
- Verð: 2500 kr. innfalið húllahringur til að föndra.
- Umsjónarmaður: Húlladúllan Unnur Máney
